Vis kilden til Christian Havig (1825–1912)

{{Thumb|Christian Møinichen Havig.png|Christian M. Havig. Teikning av Hans Christian Olsen.}}

'''[[Christian Havig (1825–1912)|Christian Møinichen Havig]]''' (fødd [[4. april]] [[1825]] i [[Overhalla kommune|Overhalla]], død [[10. april]] [[1912]]) var lensmann, gardbrukar og stortingsrepresentant. [[Fredrik Havig]] var sonen hans, og [[Sara Faye (1857–1944)|Sara Faye]] ei av døtrene.

Havig var fødd i Overhalla, men familien flytta til [[Vikna]] då han var i barneåra. Han fekk lite undervisning utanom [[omgangsskule]]n. På eiga hand lærde han seg så mykje at han fekk arbeid på kontoret hos [[lensmann]]en i [[Nærøy]] og Vikna. Seinare, 1848, vart han tilsett hos slektningen, lensmann Jørgen Havig i [[Namsos]]. I 1854 kom Havig med i Namsos bystyre, i 1858 [[ordførar]] i byen og [[forlikskommissær]] 1856-58.

År 1858 vart Havig sett til lensmann i [[Vefsn]] i [[Nordland]]. Denne stillinga hadde han heilt til 1904, då vart han etterfylgd av sonen [[Thorleiv Nergård Havig (1867–1938)|Thorleiv N. Havig]]. Allereie i 1859 vart han medlem av [[heradsstyre]]t i Vefsn, ordførar 1905. Elles var han forlikskommissær 1859-66 og kasserar i den lokale [[sparebank]]en 1860-70, formann i skulestyret og formann i [[matrikkel]]kommisjonen i Vefsn.

Havig representerte Nordlands amt på [[Stortinget]] frå 1871, der han hadde sete fram til  1888. I perioden 1871-74 var han medlem av justiskomite nr 1. Frå 1875 vart han medlem av jarnbanekomiteen, formann i denne frå 1880 til 1888. 1874-76 var han sekretær i [[Odelstinget]], deretter sekretær i Stortinget 1877-85. Han var medlem av [[riksrett]]en 1883–84, ei tid som mellombels president. Lagtingspresident 1886-88.

I 1884 vart Havig medlem av den parlamentariske jurykommisjonen. Seinare, 1899-1905, medlem av riksskattekommisjonen.

Lokalt engasjerte han seg for at fleire [[leiglending]]ar skulle få høve til å kjøpe gardane dei dreiv, og han arbeidde for innføring av norsk opplæringsmål i skulen.  Han var leiar av Vefsn skulestyre då det i 1900 gjorde vedtak om at skuleelvane skulle bruke lærebøker på nynorsk mål. Havig var mellom dei som i 1905 tala for at Noreg skulle verte [[republikk]].

Christian Møinichen Havig døydde i 1912. [[C.M. Havigs gate (Mosjøen)|C.M. Havigs gate]] i [[Mosjøen]] er oppkalla etter han.
==Kjelder==
*Lindstøl, Tallak: ''Stortinget og Statsraadet 1814-1914''. Kristiania, 1914
*''[[Verdens Gang (1868–1923)|Verdens Gang]]'' nr. 22, 21. februar 1885. [http://urn.nb.no/URN:NBN:no-nb_digavishefte_135964]
*«Havig, Christian Møinichen», i ''[[Illustreret norsk konversationsleksikon]]'', bind III, sp. 1587. Kristiania: Aschehoug, 1909.
*Kjell Jacobsen: ''Vefsn Bygdebok'' b. II
*{{Hbr1-1|pd00000004105309|Christian Havig}}
{{Wikipedia|nn|Christian Havig}}{{Prestefolk i Nordland|1|1|nn=1}}
{{Nn}}
[[Kategori:Personer]]
[[Kategori:Lensmenn]]
[[Kategori:Ordførere]]
[[Kategori:Stortingsrepresentanter]]
[[Kategori:Fødsler i 1825]]
[[Kategori:Dødsfall i 1912]]
[[Kategori:Overhalla kommune]]
[[Kategori:Namsos kommune]]
[[Kategori:Vefsn kommune]]
{{DEFAULTSORT:Havig, Christian}}