Vis kilden til Dragracing

{{thumb|FIA Top Methanol Funny Cars - Santa Pod 2010 (4656627185).jpg|To bilar tevlar på Santa Pod Raceway, Bedfordshire, England|Tim Felce|2010}}

'''[[Dragracing]]''' er ei form for motorsport som går ut på at to fargreier tevlar om å køyre ei kort lengd frå ståande start raskast mogleg. Det er altså om å gjere å ha best akselerasjon. Sporten blei til i ørkenstrøk av [[California]] i [[Amerikas forente stater|Sambandsstatane]] på 1930-talet. Ein driv med dragracing for preparerte bilar, spesialbilar som dragster, motorsyklar, resarbåtar og snøskuterar.

Som regel er strekninga ein tevler på ¼ engelsk mile (ca 400 meter) og tevlinga går føre seg på ei bane med asfalt- eller betongdekke. Det finst hundrevis av klassar for køyrety med ulike tekniske avgrensingar.

National Hot Rod Association (NHRA) blei stifta i Sambandsstatane i 1951, og bilsporten blei anerkjend av Det internasjonale bilforbundet (FIA) i 1965. Det første stemnet i Norden blei arrangert 1968 i Anderstorp i Sverige. I Noreg blei dei første klubbane, med band til NHRA, skipa i 1958. [[American Car Club of Norway]] arrangerte den første tevlinga, og ho fann stad 1978 på [[Fyresdal flyplass]]. Frå 1983 blei store dragracingstemne, om anna EM-runder, haldne på ei nedlagd flystripe attmed Gardermoen militære flyplass. 

Dragracing er organisert i [[Norges Bilsportforbund]]. [[Ludvig Bjørnstad]] høyrde til europaeliten kring 1980 og blei 1987 første nordmann under 6 sekunder. I 1990-åra sin første halvleik høyrde [[Liv Berstad (1961–)|Liv Berstad]] til europaeliten i den snøggaste klassa og hadde ei tid europarekorden.

==Kjelder==
* Store norske leksikon: [https://snl.no/dragracing Dragracing]
* Bilsport.no: [https://bilsport.no/ Norges bilsportforbund si heimeside]
* Kvinnehistorie.no: [https://www.kvinnehistorie.no/artikkel/t-6786/racerbilkjoereren Liv Berstad]

[[Kategori:Motorsport]]
{{nn}}