Vis kilden til Jacob Ferdinand Øien (1816–1873)

'''[[Jacob Ferdinand Øien (1816–1873)|Jacob Ferdinand Øien]]''' (fødd 22. oktober 1816 i [[Melhus kommune|Melhus]], død 11. juli 1873 i [[Trondheim]]) var børsemakar og seinare brennevinshandlar i Trondheim. Ein kort periode i 1849 var han óg [[Skarpretter|skarprettar]], og det var han som avretta [[Maren Johanne Jektvik]] på [[Hitra]] dette året. 

Han var son av den svenske husmannen [[Carl Johansen Bielstrøm]] og [[Beret Bastiansdotter Laberget|Beret Bastiansdotter]], og vart fødd på husmannsplassen [[Laberget under Øyan (Melhus)|Laberget under Øyan]] på [[Øysanden]] i Melhus. Då han var to år flytta familien - foreldra, Jacob Ferdinand og broren Johan Fredrik - til [[Skogn kommune|Skogn]]. Der vart foreldra bygselsfolk på [[Austre Halsanvaldet (Skogn)|Austre Halsanvaldet]] i [[Frol kommune|Frol]]. Jacob Ferdinand vart konfirmert der i 1831. 

I 1837 flytta han til Trondheim, der han kom i lære som børsemakar. Han fekk borgerskap med som børsemakar i 1845. 

Karriera som skarprettar vart kort - truleg berre 86 dagar. Men nett i denne korte tida skulle Maren Johanne Jektvik (1811–1849) avrettast for drapet på mannen sin. Det ser ut til at alt gjekk etter planen under avrettinga. Kort tid etter vart [[Samson Isberg]] gjort til skarprettar for heile landet, og Øien gjekk attende til livet som børsemakar. 

Han vart gift i [[Nidarosdomen]] den 4. september 1849 med [[Marie Anna Christine Øien (1826–1904)|Marie Anna Christine Stuberg]] (1826–1904), som var dotter av ongelmakar [[Dines Susemel Stuberg]] og [[Beret Marta Jonsdotter Stuberg|Beret Marta Jonsdotter]]. Det hasta å gifte seg, for sonen Adolf Ferdinand vart fødd den 9. oktober 1849. Då han vart døypt i domkyrkja den 2. desember 1849 budde familien i [[Reipslagerveita (Trondheim)|Reipslagerveita]]. De flytta kort tid etter til [[Prinsens gate (Trondheim)|Prinsens gate]] 65, der dei leigde rom. 

Etter å ha flytta til Prinsens gate starta Øien opp som brennevinshandlar. Familien flytta i 1859 til Prinsens gate 59, der dei hadde brennevinsutsal og eigde bustaden sin sjølv. Paret fekk ti born, og heile åtte av dei nådde vaksen alder. Den eldste, sonen [[Adolf Ferdinand Øien (1849–1918)|Adolf Ferdinand Øien]] (1849–1918) vart ein av dei fremste næringsdrivande i Trondheim i sin tid. 

Han døydde i Trondheim i 1873. Enka levde heilt til 1904.  

== Litteratur og kjelder ==

* E-post frå Svein Bertil Sæther, mars 2023.
* ''Adolf Øien''. Utg. Museumsforl.. 2018. {{nb.no|NBN:no-nb_digibok_2020050748061}}.
* Forbord, Kåre. ''Malvik bygdebok. 1B''. Utg. Malvik kommune. 2003. {{nb.no|NBN:no-nb_digibok_2014030506097}}.
* {{Hbr1-1|pg00000000903014|Jakob Ferdinand Øien}}.

{{Bm}}
[[Kategori:Personer]]
[[Kategori:Handelsfolk]]
[[Kategori:Børsemakere]]
[[Kategori:Skarprettere]]
[[Kategori:Melhus kommune]]
[[Kategori:Trondheim kommune]]
[[Kategori:Fødsler i 1816]]
[[Kategori:Dødsfall i 1873]]
{{DEFAULTSORT:Øien, Jacob Ferdinand}}