Vis kilden til Nylund (Bykle gnr 3/13)

{{Infoboks gard
| målform       = nn
| bgfarge       = 
| navn          = Nylund
| bilde         = 
| bildetekst    = 
| altnavn       = 
| førstnevnt    = 
| ryddet        = 1938
| utskilt       = 1938
| sted          = [[Berdalen (bygd)|Berdalen]]
| sokn          = [[Bykle sokn|Bykle]]
| kommune       = [[Bykle kommune|Bykle]]
| fylke         = [[Agder fylke|Agder]]
| gnr           = 3
| bnr           = 13
| areal         = 
| bruk          = 
| type          = Gardsbruk
| gateadr       = 
| postnr        = 
}}
'''[[Nylund (Bykle gnr 3/13)|Nylund]]''' er eit nybruk frå 1940-talet i [[Berdalen (bygd)|Berdalen]] i [[Bykle kommune]]. Tunet og jordet ligg ved [[Riksveg 9|riksvegen]] omlag 1 km sør for Nordli og 5 km nordanfor Berdalsbru. 

Opptaket til at det vart gardsbruk her var ekspropriasjonssaka mot [[Sætersdalen (foretak)|A/S Sætersdalen]] på slutten av 1930-åra, der eitt av resultata var at ein noko stor parsell vart utskilt frå bnr 1, 4 og 6, med ei samla skyld på 16 øre, og tildela bnr 13. Denne eigedomen vart i 1939 overteken av Bykle kommune, som selde han etter å ha dela han i to bruk. Det eine var då bruket her, det andre var [[Steinsland (Bykle gnr 3/17)|Steinsland]], bnr 17. Kvart av bruka vart sette i ei landskyld på 8 øre. 

Bruket her vart i 1942 overteke av Olav E. Sanden (y.). Han var frå [[Sanden (Bykle gnr 16/9)|Sanden]] under [[Stavenes (Bykle gnr 16)|Stavenes]], og son åt Eivind Tarjeisson på det bruket, og kona, Torbjørg Olavsdotter, fødd Bratteland. Me set han opp her med etternamnet Nylund, avdi han sjølv nytta det namnet, og som seg hør og bør skaffa seg løyve til det frå justisdepartementet. 

{|style="float:right; clear:right; "
|-style="vertical-align:top;"
|{{thumb|Berdalen 34.jpg|Olav Eivindsson (Sanden) Nylund (1899-1981). Bilete frå militærtenesta, me kan vel gjeta på at det er frå perioden 1918-1920.Bilete frå Ingebjørg Vegestog.}}
|{{thumb|Berdalen 35.jpg|Gunhild Torleivsdotter Nylund. Bilete frå Ingebjørg Vegestog.}}
|}
'''Olav Eivindsson Nylund''', f 1899, d 1981,
: g. 1924 m Gunhild Torleivsdtr. Mosdøl, f 1898, d 1966. Born: 
:* Jorunn, f 1923, g 1953 m Sigbjørn Eivindsson Hoslemo, sjå [[Uppigard (Bykle gnr 4/2)|Uppigard Hoslemo]], gnr 4, bnr 2 
:* '''Eivind''', f 1925, d 2006,<!--dødsår /dato: http://www.disnorge.no/gravminner/korrigering.php?id=1758685 (vitja 17. februar 2015)--> g m Bjørg Paulsen, f 1937, d 1996, ikkje born, sjå nedanfor 
:* Torleiv, f 1928, d 1996,<!--dødsår /dato: http://www.disnorge.no/gravminner/bilde.php?id=2069856 (vitja 17. februar 2015)--> anl.arb. og gbr., g m Dagmar Mydland, busett [[Hauge i Dalane]], [[Sokndal]], born: 
::* Marnar, f 1954, g m Inger Marie Støle, busett [[Sokndal]]
::* Ove, f 1956, busett [[Sokndal]] 
:* '''Hallvard''', f 1930, g hv m Reidun Skår, [[Norheimsund]], sjå nedanfor 
:* Harald, f 1937, d 2009,<!--dødsår /dato: http://www.disnorge.no/gravminner/korrigering.php?id=3108290 (vitja 17. februar 2015)--> dreiv transportfirma, g m Randi Våler, [[Eidsvoll]], f 1938, d 1988, busett Eidsvoll til 1993, sidan [[Hamar]], born: 
::* Ole Jørgen, f 1959, busett [[Eidsvoll]], g m Gunhild Johansen
::* Øyvind, f 1963, busett [[Eidsvoll]] ; Gunn Elin, f 1965, busett Eidsvoll, g m Øyvind Blakkisrud 
 
Gunhild var frå [[Berget (Bykle gnr 13/2)|Berget Mosdøl]], dotter åt Torleiv Drengsson Mosdøl på det bruket og kona, Jorunn Torleivsdotter, fødd Gjerden. 

Olav og huslyden hans budde lenge i eit hus som sto på ei tomt på [[Kultro (Bykle)|Kultro]]. Hit til Nylund flutte dei, i fylgje eit notat i minneboka til Jorunn O. Nylund, den 14.7. 1943, så då hadde altså Olav hus ferdig. Skøytet hans frå kommunen ved ordføraren var dagsett 8.2. same året. Men kva tid hadde Olav byrja tømmerhogst på eigedomen, og dermed utøva reell eigedomsrett? 

Dette vart det springande punktet i ei rettsssak på slutten av 1990-talet, der Marnar Nylund, son av eldste son av Olav, prøva å  taka garden på odel. I ein lagmannsrettsdom dagsett 17.3. 1999 vart det bestemt at den reelle overtakinga hadde falle på same datoen som den formelle, altså den dagen skøytet vart skrive, og då vanta det 3 dagar på at Olav Nylund hadde hevda odel på eigedomen. På det grunnlaget tapa Marnar Nylund odelssaka. I 1945/46 var det framme at eigedomar som var selde frå kommunen under krigen burde takast attende, men det nye kommunestyret avgjorde at Olav skulle få ha bruket sitt. 

I 1948 hadde han ny, stor uthusbygning ferdig, og i 1952 bygde han nytt våningshus. Det er på 8 x 13 m i to fulle høgder. I 1953 var her 26 mål dyrka jord. Buskapen då var hest, 3 kyr, 3 kalvar, 7 vinterfora sauer og 25 geiter. Sidan vart jordet auka til kring 50 mål. Her vart då etterkvart ein buskap på 2 hestar, 4-5 kyr og kring 20 vinterfora sauer. 

I 1963 overtok eldste sonen eigedomen. 
 
'''Eivind O. Nylund''', f 1925, d 2006<!--dødsår /dato: http://www.disnorge.no/gravminner/korrigering.php?id=1758685 (vitja 17. februar 2015)--> 
: g 1974 m Bjørg Paulsen, f 1937, d 1996, ikkje born.
 
Bjørg kom frå Øverbø, og arbeidde på [[Bykle hotell]] då Eivind trefte henne. Foreldra hennes heitte Tordis og Odd Anton Paulsen. Eivind arbeidde på anlegg, og var ikkje gardbrukar. Det tok difor slutt med dyrehaldet på garden kort etter at mor hans døydde i 1966. 
 
I 1996 vart Bjørg, kona åt Eivind, sjuk, og laut flytje på bygdeheimen. Eivind flutte med henne dit, og då ho var borte, vart det til at han vart verande i ein kommunal aldersbustad. Han bodsende då ein yngre bror, som hadde vorte pensjonist eit par år tidlegare, og denne flutte heim og overtok bruket våren 1997. 

Etter denne overtakinga  fylgde den odelssaka som me har fortalt om framanfor. Den nye eigaren vann saka, og fekk behalde eigedomen.

'''Hallvard O. Nylund''', f 1930 
: g hv m Reidun Skår. Born: 
:* Olaug, f 1964, psykolog, busett [[Lakselv]], [[Finnmark]] 
 
Hallvard har vore yrkesmilitær, og nådde kapteins grad. Som offiser har han budd mange stader. Særskilt skal nemnast at han hadde to tenesteperiodar i FN-styrkane i Midt-Austen, i 1958-59 i Gaza og i 1982-83 i Libanon. 

Totalarealet på eigedomen har vorte oppmælt til ca 3650 mål, av dette omtrent halvparten produktiv skog. Her er utskilt kring 20 festetomter til hytter. 

{{Byklesoga|[[Haugen (Bykle gnr 3/10)|Haugen]]|[[Åsland (Bykle gnr 3/16)|Åsland]]}}

[[Kategori:Garder]]
[[Kategori:Bykle kommune]]
{{nn}}