Vis kilden til Den 17de Mai

{{Thumb|Avisa Den 17de Mai sitt avishode 7.11. 1898.jpg|Avishode frå november 1898}}
'''[[Den 17de Mai]]''', med undertittel ''Norskt Folkeblad'', var ei frilynt avis som vart utgjeven frå [[1894]] til [[1935]]. [[Rasmus Steinsvik]] var grunnleggjar og første redaktør, dei første fire åra saman med [[Arne Garborg]], og så aleine til [[1913]]. Dei tilhøyrde krinsen omkring bladet [[Fedraheimen]]. Den 17de Mai vart utgjeven frå [[Oslo|Kristiania/Oslo]]. Avisa var eit hovudorgan for [[målsaka]].

Allereie 26. oktober 1900 tok avisa i ein artikkel, truleg skriven av Steinsvik, til orde for oppretting av «ein studentskule for bondegutar». Dette kan sjåast som eit av dei fyrste kontrete initiativa til [[landsgymnas]]a. Artikkelen peiker på skilnader mellom bygdekultur og bykultur. Det kan i seg sjølv vere berikande, men det uheldige er at bykulturen dominerar bygdekulturen, særlig språkleg gjennom skuleverket.
[[Fil:Annonse frå Den 17de Mai i Dagbladet 14.03.1894.jpg|miniatyr|Annonse i [[Dagbladet]] 14. mars 1894]]
Blant seinare redaktørar kan nemnast [[Anders Hamre]], [[Einar Breidsvoll]] og [[Andreas Haavoll]].

Statsrevisor, venstremann og målmann [[Magnus Hydle]] (1868-1944) frå [[Ulvik]], medetablerar av [[Hardinglaget (Oslo)|Hardinglaget]] i hovudstaden, var styreleiar for ''Den 17de Mai'' frå 1919 til 1929.

Avisa kom ut som dagsavis frå [[1898]] til [[1900]] og frå [[1916]] til [[1935]] då ho vart nedlagd. [[Norsk Tidend]] er eit framhald av Den 17de Mai og Fedraheimen.