Vis kilden til Kraftly (Bykle gnr 15/83)

{{Infoboks gard
| målform       = nn
| bgfarge       = 
| navn          = Kraftly
| bilde         = Gjerden 62h.jpg
| bildetekst    = Kraftly pr 30.6.2006. {{byline|Aanund Olsnes}}
| altnavn       = 
| førstnevnt    = 
| ryddet        = 1980
| utskilt       = 1979
| sted          = [[Bykle]] (Kyrkjebygdi)
| sokn          = [[Bykle sokn|Bykle]]
| kommune       = [[Bykle kommune|Bykle]]
| fylke         = [[Agder fylke|Agder]]
| gnr           = 15
| bnr           = 83
| areal         = 
| bruk          = 
| type          = Bustadeigedom
| gateadr       = 
| postnr        = 
}}
'''[[Kraftly (Bykle gnr 15/83)|Kraftly]]''' i [[Nedre Sarv]] i [[Bykle]] ligg øvst i husrekkja ned mot [[Riksveg 9|riksvegen]]. Tomta vart utskilt frå bnr 11 i 1979, då [[I/S Øvre Otra]] kaupte henne hjå kommunen. Kraftselskapet sette opp ein bustad her året etter, og dei fyrste som budde her var familien Silgjerd/Husefest. Dei var her til dei flutte inn i sitt eige, nybygde hus i Kyrkjelii i 1986 (sjå [[Kyrkjelii 6 (Bykle)|Kyrkjelii 6]], gnr 13, bnr 31). 

Etter dei nemnde kom Knut og Gunn Oddveig Trydal hit. Dei var her til 1995, då dei flutte til [[Der inne (Bykle gnr 17/1)|Trydal Der inne]], og budde der i 7 år. Sidan har dei flutt oppatt til Kyrkjebygdi, og den nærare presentasjonen av dei er å finne i bolken om [[Suistugu (Bykle gnr 15/57)|Suistugu]], bnr 57, der dei nå bur. 

Hausten 1996 brann huset åt Olav og Elise Mosdøl på [[Mosdøl (Bykle gnr 13/3)|gnr 13, bnr 3]]. Inntil dei fekk sett seg opp nytt hus heime året etter, budde dei her. Ein finn dei nærare omtala i bolken om [[Mosdøl (Bykle gnr 13/3)|Mosdøl]]. 

Etter Mosdøl kom Magne Bakken og familien hans. Dei bur nå i Austmannlii på Hovden, i [[Tuftevegen 19-23 (Bykle)|Tuftevegen 19-23]], bnr 653, og er nærare omtala der. 

Dinest, i 1998, var Lill Grethe Tveiten og Aivon Baretto innom ei stund, fyrr dei flutte vidare til eit kommunalt hus i Øvre Sarv, [[Suistugu (Bykle gnr 15/57)|Suistugu]], bnr 57. Den nærare omtalen av dei er plassert i bolken om [[Myri 3 (Bykle)|Myri 3]], gnr 14, bnr 70, der dei budde frå hausten 2002. 

I 2000 flutte Kåre Flateland hit. 

* '''Kåre Å. Flateland''', f 1958, ug 
 
Kåre er frå [[Flateland (Valle)|Flateland]], bnr 10, og son åt Ånund Taraldsson på det bruket og kona, Jorunn Drengsdotter, fødd Homme. Han har lærarutdanning og arbeidde i det yrket her i bygda i 1984-85. Sidan har han også skaffa seg utdannning i datafag, og var i ei årrekkje IT-konsulent i eit oljeselskap i [[Stavanger]], inntil han vart dataansvarleg på kraftstasjonen i [[Brokke (Valle)|Brokke]] i 2000. Då busette han seg i Bykle att, og leigde huset her. Året etter kaupte han det hjå kraftselskapet. I 2002 vart jobben hans sentralisert bort. Han tok då til med vidareutdaning i IT-faget ved [[Høgskulen i Agder]]. 
 
{{Byklesoga|[[Kraftsletta (Bykle gnr 15/82)|Kraftsletta]]|[[Myrli (Bykle gnr 15/84)|Myrli]]}}

[[Kategori:Boliger]]
[[Kategori:Bykle kommune]]
{{nn}}