Vis kilden til Severin Aabø

<onlyinclude>{{Thumb|Stavanger Aftenblad Aabø død 1957.jpg|Faksmilie frå Stavanger Aftenblad, 22. juni 1957.}}
'''[[Severin Aabø]]''' (fødd 9. september 1888 i [[Sauda kommune|Sauda]], død 21. juni 1957 i [[Stavanger]]) var ein lærar som hadde lengste bolken av yrkeskarrieren sin i Stavanger-skulen. Aabø var òg ein aktiv fråhaldsmann og sat som [[Venstre]]-mann i Stavanger bystyre.

Han var son av gardbrukarparet Signe og Knut K. Aabø og tok eksamen ved [[Notodden lærarskule]] i 1910.

Som nyutdanna hadde Aabø eit stutt vikariat i [[Grotland skule]]krins på [[Voss]], før han i 1911 byrja Aabø som lærar i Frue i [[Hetland]]. Der var han til 1919. Deretter arbeidde han ved [[Nylund skule]] i [[Stavanger]]. Frå 1938 til 1947 var Aabø skulestyrar ved [[Buøy skule]], ein annan Stavanger-skule. Seinara var han ved [[Sørvik skule]] på Lindøy og ved [[Johannes skole]], der han var overlærar.</onlyinclude> Severin Aabø hadde [[Statens reisestipend for folkeskulelærarar]] for å reise til [[Oslo]] for å studere teikne- og naturfagundervisning.

Aabø døydde plutseleg under ein tilskipnad på sin gamle skule, Johannes skole i Stavanger. I nekrologen i ''[[Stavanger Aftenblad]]'' heitte det at Aabø var «ein mykje dugande skulemann, både som pedagog og som administrator. Han hadde ein eigen givnad til å finna den rette tonen, både andsynes elever, foreldre og kolleger. Ved sidan av skulearbeidet var det fråhaldsrørsla Severin Aabø brann mest for». Frå 1924 var han skrivar i Rogaland distriktslosje og hadde elles fleire verv i fråhaldsrørsla. Han var religiøst interessert og sat i [[St. Petri kirke|St. Petri menighetsråd]].

Aabø gifte seg i 1916 med Sikke Skeie, fødd 1895 i Hetland. Ho var dotter av bonde Nils Skeie og Serina f. Lunde. Ekteparet Aabø fekk tre søner.