Vis kilden til Vidkunn

'''[[Vidkunn]]''', med varianten ''Vidkun'', er eit mannsnamn av [[norrønt]] oppghav. ''Viðkunnr'' kjem frå adjektivet ''viðkunnr'', med tydinga 'kjend vidt omkring/vidkjend'. 

Det var på 1100-talet i bruk i arnungeætta på [[Bjarkøy]]. [[Vidkuns gate (Harstad)|Vidkuns gate]] i [[Harstad]] har namn etter [[Vidkun Erlingsson Bjarkøy]] frå denne ætta.

Etter [[reformasjonen]] var namnet ikkje i bruk. I folketeljingane frå 1801 og 1865 finn vi ingen med namnet. Først i 1868 finn vi det att, då i [[Levanger kommune|Levanger]] der [[Eivind Vidkun Selmer]] fekk det som mellomnamn.<ref>{{hbr-kjelde|pf01052055053179|Eivind Vidkun Selmer}}. Jf. ''Norsk personnamnleksikon'': 594.</ref> Det vart nytta noko i [[Nordland]] og [[Troms]] fram til 1930-åra, og ellers i landet berre ved sjeldne høve. I folketeljinga frå 1910 finner vi femten menn med namnet Vidkunn eller Vidkun.

Eit døme frå ein annan del av landet – og ein av dei som står i 1910-teljinga, til og med to gonger – er [[Vidkun Quisling]], fødd i 1887 i [[Fyresdal kommune|Fyresdal]]. Hans handlingar under [[andre verdskrigen]] førte til at namnet sidan 1945 ikkje har vore i bruk; dei få som har hatt namnet sidan er fødde før krigen. Læraren og idrettsleiaren [[Vidkunn Eidnes]], fødd i 1932 på [[Trondenes]], kunne fortelje at han ei tid etter krigen måtte nytte «dekknamnet» Harald. [[Vidkunn Hveding]] (1921–2001) var generaldirektør i [[Norges vassdrags- og elektrisitetsvesen]] (NVE) og [[Høgre]]-politikar, olje- og energiminister 1981–83.