Vis kilden til Bjørkmyr (Bykle gnr 15/79)

{{Infoboks gard
| målform       = nn
| bgfarge       = 
| navn          = Bjørkmyr
| bilde         = 
| bildetekst    = 
| altnavn       = 
| førstnevnt    = 
| ryddet        = 1980
| utskilt       = 1979
| sted          = [[Bykle]] (Kyrkjebygdi)
| sokn          = [[Bykle sokn|Bykle]]
| kommune       = [[Bykle kommune|Bykle]]
| fylke         = [[Agder fylke|Agder]]
| gnr           = 15
| bnr           = 79
| areal         = 
| bruk          = 
| type          = Bustadeigedom
| gateadr       = 
| postnr        = 
}}
'''[[Bjørkmyr (Bykle gnr 15/79)|Bjørkmyr]]''' vart sett opp av [[Bykle kommune]] i 1980, etter at tomta var dela ifrå bnr 11 året fyre. 

Dei fyrste som budde her var familien Bø/Christensen: 
 
* '''Magl Bø''', f 1951 
: g m Gunnar Christensen, f 1940. Born: 
:* Solveig, f 1976, ergoterapeut, busett [[Oslo]]. 
 
Magl Bø vaks opp i [[Hauggrend (Fyresdal)|Hauggrend]] i [[Fyresdal]]. Ho er dotter åt Knut K. Bø og kona, Jorunn Taraldsdotter, fødd Harstad. Faren kom frå [[Valle kommune|Valle]] og mora frå [[Hylestad]], og flutte til Rysstad som pensjonistar (jfr. ''Valle'' I, 422). Magl er lærar, og arbeidde i Bykle skule frå hausten 1980 til sumaren 1984. I det sistnemnde året flutte ho og familien til [[Arendal]], og 4 år seinare vidare til [[Randesund]]. 

Gunnar Christensen er frå Arendal, og son åt Solveig og William Christensen. Medan dei budde i Bykle gjekk han i sylvsmedlære hjå Trygve Rysstad (jfr. ''Valle'' I, 434), og han arbeidde ei tid i det faget etter at dei flutte åt Arendal. Sidan har han vorte preparant ved eit medisinsk laboratorium. 

Då Bø/Christensen flutte ut, flutte Askild Johnsen inn i huset her. Han vart verande til sumaren 1989, då han flutte til eit hus i [[Kyrkjelii byggjefelt|Kyrkjelii]]. Der er han framleis, og han og familien hans er nærare omtala i bolken om den verestaden ([[Kyrkjelii 6 (Bykle)|Kyrkjelii 6]], gnr 13, bnr 31). 

Den neste me veit budde her er Finn Qvale. Han var her i åra 1991-1997, etter at han tidlegare hadde leigd Bjårlii 14 A frå 1989. I 1997 kaupte han og kona eit hus i Kyrkjelii, [[Kyrkjelii 8 (Bykle)|Kyrkjelii 8]], gnr 13, bnr 32, og flutte dit. Ein kan lesa meir om dei i bolken om den verestaden. 

I 1998-99 budde Sladjana Byklum her. Ho bur nå i [[Kyrkjelii 3 (Bykle)|Kyrkjelii 3]] gnr 14, bnr 65, og er nærare omtala der. 

I åra 1999-2002 budde Iris Mattsson her. Ho er jordmor, og fødd i [[Sverige]] 1942. Ho flutte frå Bykle til [[Ålesund]], men me har ikkje greidd å finne henne att der, og veit ikkje meir om henne. 

I 2002-2003 budde Liv Flatland Flaa her. Ho hadde tidlegare halde til i ymse kommunale hus gjennom ei årrekkje, lengste tida i [[Bjårlii 12-14 (Bykle)|Bjårlii 12-14]], bnr 125, og ein kan lesa noko lite meir om henne der. I 2003 flutte ho til [[Hattfjelldal kommune|Hattfjelldal]]. 

I skrivande stund (haust 2003) bur her ikkje nokon. 
 
{{Byklesoga|[[Furubo (Bykle gnr 15/78)|Furubo]]|[[Kraftbo (Bykle gnr 15/81)|Kraftbo]]}}

[[Kategori:Boliger]]
[[Kategori:Bykle kommune]]
{{nn}}