Vis kilden til Brynjel Andersen Gjerager

'''[[Brynjel Andersen Gjerager]]''' (fødd [[1761]] på [[Voss]], død [[27. januar]] [[1838]] same stad) var bonde, og vart i 1814 vald som representant for [[Søndre Bergenhus amt]] til [[Riksforsamlinga]] på [[Eidsvoll]].

Han var fødd på garden [[Gjeråk]], der foreldra var gardbrukarar. Faren heitte Anders Brynjelsson (frå Gjeråk) og mora Gudve Knutsdotter frå [[Rykke]]. Brynjel Gjerager gifta seg på Voss 10. juni 1788 med Ambjørg Larsdotter Takla (døypt 27. oktober 1759, død 11. januar 1838). Ho var dotter til gardbrukarparet Lars Andersson og Anna Gullaksdotter på [[Takla]]. Brynjel og Ambjørg fekk tre born, og dei har mange etterkomarar rundt om i Noreg. I [[folketeljinga 1801]] budde Brynjel og Arnbjørg på [[Gjerager (Voss)|Gjerager]] i Voss med dei to eldste borna; den yngste dottera vart født i 1802.

Brynjel var fyrst ein kortare periode paktar på [[Øvre Li]] i Voss, seinare på [[Helleve]] i same bygda, til han tok over farsgarden om lag 1794.

I heimbygda var Brynjel Gjerager [[forlikskommissær]] og [[prestens medhjelpar]], og det er elles fortalt at «han innehavde alle de tillidshverv, bygden dengang havde at råde over» (sitert hjå Koht). 

Ved valet il riksforsamlinga på Eidsvoll vart Gjerager 3. deputerte frå [[Søndre Bergenhus amt]], etter soknepresten på Voss [[Georg Burchard Jersin]] og sorenskrivar [[Arnoldus Koren]]. Koht framstiller det slik at det var Jersin som under valforsamlinga peikte ut sitt soknebarn Gjerager som amtets bonderepresentant. Under forhandlingane på Eidsvoll stemte Gjerager med [[Sjølvstendepartiet]].

==Kilder og litteratur==

* {{folketelling|pf01058378001722|Brynild Andersen|1801|Voss prestegjeld|nn}}
* [http://data.eidsvollsmenn.no/tng/getperson.php?personID=I43496&tree=Eidsvollsmenn Brynjel Gjerager] på Eidsvollsmennenes etterkommere
* [http://snl.no/Brynjel_Andersen_Gjerager Brynjel Andersen Gjerager] i ''Store norske leksikon''
* {{WP-lenke|Brynjel Andersen Gjerager}}
* [[Koht, Halvdan]]: Artikkel om Gjerager i ''Norsk biografisk leksikon'' (1929).

==Eksterne lenker==

* {{hbr1-1|pf01058378001722|Brynild Andersen}}.

{{DEFAULTSORT:GJERAGER, BRYNJEL ANDERSEN}}

[[Kategori:Personer]]
[[Kategori:Voss herad]]
[[Kategori:Gardbrukere]]
[[Kategori:Eidsvollsmenn]]
[[Kategori:Fødsler i 1761]]
[[Kategori:Dødsfall i 1838]]
{{nn}}