Vis kilden til Steinane (Bykle gnr 14/51)

{{Infoboks gard
| målform       = nn
| bgfarge       = 
| navn          = Steinane
| bilde         = Byklum 131.jpg
| bildetekst    = Steinane 1.1.2006. {{byline|Aanund Olsnes}}
| altnavn       = Signeshus
| førstnevnt    = 
| ryddet        = 1932
| utskilt       = 1979
| sted          = [[Bykle]] (Kyrkjebygdi)
| sokn          = [[Bykle sokn|Bykle]]
| kommune       = [[Bykle kommune|Bykle]]
| fylke         = [[Agder fylke|Agder]]
| gnr           = 14
| bnr           = 
| areal         = 
| bruk          = 
| type          = Bustadeigedom
| gateadr       = 
| postnr        = 
}}
'''[[Steinane (Bykle gnr 14/51)|Steinane]]''' i [[Bykle]] ligg på oversida av vegen rett ovanfor [[Utistog (Bykle gnr 14/2)|Utistog]]. Tomta vart utskilt frå [[Innistog (Bykle gnr 14/1)|Innistog]] i 1978. 

Tidlegare hadde Signe Gjerden hatt ei stoge her. 

* '''Signe Gjerden''', f 1892, d 1962 
 
Mor åt Signe Gjerden var Gunhild Auversdotter frå [[Myri (Bykle gnr 15/105)|Myri under Gjerden]]. Faren heitte William Sigvart Kristiansen, og var bakarsvein på [[Dalen]] i [[Telemark]] då Gunhild trefte han. Gunhild hadde flutt frå Bykle til [[Lårdal kommune|Lårdal]] i 1888, står det i kyrkjeboka. Sidan vart ho gift i [[Skien]], vert det fortalt, men ho let seg ikkje finne att der, eller nokon annan stad, i [[1900-folketeljinga]], så ho kan ha vore død ved det leitet. Men det er meir truleg at Gunnhild hadde fare til Amerika, og hatt dottera med seg dit. 

Iallfall er det sikkert at Signe hadde vore der i ungdomen, men sidan fare attende til Noreg. I 1932 fekk ho bygsla seg tomt av Innistog, og sette seg opp ei lita stoge her. Ettersom ho kunne engelsk, var ho etterspurd som kokke for dei engelske jaktlaga som stundom huserte i [[Njardarheim]]. Elles dreiv ho mykje med strikking og sauming, og var ein meister i løyesaum, fortelst det. 

Anne Auversdotter, ei ugift morsyster hennes, budde ilag med Signe så lenge ho livde. Anne hadde mist ein fot, og gjekk på krykkjer. 

Stoga etter Signe vart rive i samband med vegomleggjinga på 1980-talet. Etter det som vert fortalt ligg tømmeret framleis lagra i løa i Innistog. 

I 1978 vart ein parsell kring Signeshus kløyvd ut frå Innistog, matrikulert som bnr 51, og overdrege til Dreng Byklum. Stykket vart oppmælt til 7 mål. Dreng ville gjerne ha litt vedaskog, fortel han, og slik terrenget var laga høvde det best å dele av heile denne stripa på oversida av [[riksveg 9|riksvegen]]. 
 
* '''Dreng Aasmundsson Byklum''', f 1942, ug 
 
Dreng er frå [[Innistog (Bykle gnr 14/1)|Innistog]], og son åt Aasmund Drengsson og kona, Gro Torsdotter. Han var postopnar i Bykle. Då det gamle posthuset frå 1940 hadde vorte for lite, bygde han seg bustad og posthus i eitt, og tok huset i bruk i 1978. Her var då postkontoret inntil det vart nedlagt i 1998. Etter dette har Dreng arbeidd som landpostbod. 

{{thumb|Byklum 131b.jpg|align=left|Signe Gjerden (1880-1962) var dotter åt Gunhild Auversdotter frå Myri under Gjerden. Anne Auversdotter (1872-1955), som sit til venstre for henne her, var morsyster hennes. Me veit ikkje kva tid dette biletet, som er funne i samlinga etter Olav G. Holen, er teke. Men dei to kvinnene budde iallfall i lag i «Signeshus» frå 1932.}}

{{Byklesoga|[[Øvre Systog (Bykle gnr 14/44)|Øvre Systog]]|[[Listog (Bykle gnr 14/54)|Listog]]}}

[[Kategori:Boliger]]
[[Kategori:Bykle kommune]]
{{nn}}