Vis kilden til Vegstrekninga Svarthumle–Mekevika

'''[[Vegstrekninga Svarthumle–Mekevika]]''', i [[Eikefjord kommune|Eikefjord]] i noverande [[Kinn kommune]], var den siste strekninga på riksveg 5 mellom [[Florø]] og [[Førde (tettstad)|Førde]] som fekk gul midtstripe. Samferdsleminister Torild Skogsholm stod for den offisielle opninga av nyvegen 6. juli 2005.
[[Fil:20050706 opning.jpg|miniatyr|Samferdselsminister Torild Skogsholm opnar vegen Svarthumle - Mekevika ved rasteplassen i Eikefjord]]

== Trong for utbetring ==

Den gamle vegen mellom Florø og Førde vart bygd i tida 1911-1945. Strekninga hadde varierande standard med mange flaskehalser og fleire utrygge parti. Sjølv etter at Naustdalstunnelen opna i 1995 og vegen over Ramsdalsheia var borte, stod det att 24 km veg av dårleg standard. I 1998 vedtok Stortinget full utbetring av riksvegen mellom Førde og Florø.

== Dårlegast i Flora kommune ==

I Flora kommune var det utbetringar og ombyggjing fleire stader på den 24 km lange strekninga frå Svarthumle til Brandsøy. Større utbetringar var tunnel gjennom Sundefjellet (1883 m) i 1985 (Frå rasfarleg veg til Sundafjellstunellen), og ny innfartsveg til Florø på nordsida av Brandsøy i 1991. Elles vart det utført ein del mindre utbetringar, men mange flaskehalsar og trafikkfarlege strekningar stod att.

== Finansiering ==

Stortinget handsama finansieringa i ein eigen proposisjon; St.prop. 77/1997-98. Bompengeselskapet Sunnfjordtunnelen AS fekk løyve til å forskottera 120 mill. kroner som skulle investerast i perioden 1999-2001 slik at veganlegget kunne starta opp tre år før ordinær løyving over statsbudsjettet. Bompengane skulle krevjast inn i bomstasjonen ved Naustdalstunnelen for å dekke rentene av dei forskotterte midlane.

== Skar gjennom ==

Prosjektet fekk statlege løyvingar frå 2002-2005, men med dei økonomiske planrammene som låg til grunn i Norsk vegplan 2002-2011, såg det ut som at anlegget ikkje ville få store nok årlege løyvingar til kontinuerleg drift. Det var ei viss redsle for at anleggsdrifta skulle halda på til 2010. I 2002 såg det ut som anlegget måtte stogga nokre månader av mangel på midlar til full drift. Vegdirektoratet ville ikkje gi løyve til å omdisponera 15 mill. kroner frå andre anlegg, men etter at samferdselsminister Torild Skogholm besøkte anlegget, gjekk finansieringa i orden. I det heile ordna finansieringa seg, og anleggsdrifta gjekk som normalt. Heile utbyggjinga kosta 376 mill.kr (2005-kroner).

== Vanskeleg parti ==

Det vanskelegaste partiet var likevel i krysset ved Grov, der riksveg 5 møter riksveg 614 til Svelgen. Her var det ein viss fare for at fjellpartiet ville rasa i fjorden under sprengingsarbeidet. Trafikken måtte då ha vorte omdirigert via Svelgen og Hyen/Breim. Noregs Geologiske Institutt og Vegdirektoratet var med i prosessen, og arbeidet vart framifrå gjennomført utan skade på den eksisterande vegen.

== Knapstad – Kvalvik ==

Vegen gjennom Eikefjord var diskutert og planlagt i mange år. Planar blei presentert og lagt vekk, men vegen måtte ned på fjøra meinte dei fleste.

I 1988 presenterte tidlegare oppsynsmann Ola J. Endestad ein ny trasse. Gå inn frå Knapstadbakkane, bak all busetnad  og inn att på gamlevegen ved Ungdomshuset eller litt innanfor. Vegkontoret gjekk for ein endå lengre variant, frå Knapstad og over Stien, tunell bak Hovland og inn at på gamlevegen i Kvalvik. Dei planla også ein kort tunell bak Bakkjen.

Etter innspel frå Odd Asle Endestad til arbeiderparti-representanter i Flora kommunestyre blei  rasteplassen flytta frå Svarthumla til Stien ovanfor Eikefjord.

Statsråd Torild Skogsholm opna parsellen Knapstad – Kvalvik den 13 desember 2002.

[[Fil:20080816 Eikefjord sentrum.jpg|miniatyr|Eikefjord sentrum, Eikefjorddagane 2008]]
== Eikefjord sentrum ==

Vegen gjennom Eikefjord sentrum vart heftig debattert. Fleire, spesielt næringsdrivande i Eikefjord, ønskte at vegen framleis skulle gå gjennom sentrum. Dei næringsdrivande var redde for at Eikefjord sentrum ville døy om vegen vart lagt utanfor sentrum. Mange i Eikefjord var også for omlegging av vegen. Spesielt dei som var busett langs vegen og hadde trafikken tett innpå seg.

Vegvesenet og Flora kommune gjekk inn med 7-8 mill. kroner for å rusta opp sentrum etter at gjennomgangstrafikken vart lagt utanom. Her vart det gangveg, fortau, parkering og torg.

I august 2003, opna Statsråd Torild Skogsholm det nyopprusta Eikefjord sentrum. Torget i sentrum blei kalla Skogsholmen.

== Sjå også ==

*[[Vegar i Eikefjord]],

== Kjelder og litteratur == 
{{Trenger kilder}}
*Fylkesarkivet [her trengst meir presise tilvisingar.]
*Firdaposten-Arkiv
[[Kategori:Eikefjord]]
[[Kategori:Kinn kommune]]
[[Kategori:Veger]]