Per Basol (1887–1971)
Peder Knudsen Basol (fødd i Eggedal 17. juli 1887, død same stad 25. august 1971)[1][2] var rosemålar.
Foreldra hans var Ingrid Pedersdotter Basol (1850–1937) og Knud Olsen Bjørnerud (1853–1916).
Dekorasjonsmåling vart vanleg i Eggedal i siste halvdel av 1700-talet. Fram til ut på 1860-talet var det fleire eggedølar som dreiv som rosemålarar.[3] Da Per Basol vaks opp, var det ikkje lenger eit levande rosmålingsmiljø i dalen, men tradisjonen var kjend og det fanst mange døme frå den tida da rosemålinga var mest utbreidd. Per Basol tok til å måla i 1907. Han lærte av det dei gamle rosemålarane i Eggedal, Numedal og Halingdal hadde måla, og arbeidde i tradisjonen frå rundt 1850.[4][5]
Basol var også snikkar, og det er mange tre- og rosemålingsarbeid rundt om i Eggedal og Sigdal som han har laga.[6]
Basol vaks opp i husmannsplassen Basol under Øvre Kleiv i Eggedal.[7] I 1928 kjøpte han Åmli i Eggedal. Han flytta kvernstua i Basol til Åmli og nytta ho som verkstad. I dag står denne stua på friluftsmuseet åt Drammens Museum i Bragernesåsen i Drammen.[4] Stua Per Basol budde i, er flytta til Eggedal mølle som ligg under drifta av Sigdal Museum.[8]
Per Basol fekk Kongens fortenstmedalje i 1967.[9]
Han er gravlagd på kyrkjegarden i Eggedal.[2]
Referansar
- ↑ https://media.digitalarkivet.no/view/1219/37
- ↑ 2,0 2,1 https://www.slektogdata.no/gravminner/grav/296186c9-f6da-4ffb-9f86-20f344015a4e
- ↑ Andreas Mørch (1964): Sigdal og Eggedal, bd. 4, 714–716
- ↑ 4,0 4,1 http://drammens.museum.no/arkitektur/friluftsmuseet
- ↑ Andreas Mørch (1964): Sigdal og Eggedal, bd. 4, 716
- ↑ Digital utgave av Sigdal og Eggedal bind VI-X - Sigdal Museumwww.sigdalmuseum.no › SE-VI-IX-Kommentarutgave
- ↑ Andreas Mørch (1954): Sigdal og EgedaI, bd. 5, 1116
- ↑ http://www.sigdalmuseum.no/eggedal-molle/
- ↑ https://www.kongehuset.no/tildelinger.html?tid=88621&sek=27337&q=basol&type=&aarstall=