Jørgen Gjerde

Jørgen Gjerde (fødd 1873, død 1941) var lokalhistorikar i Stranda. Jørgen (Johanss.) Gjerde publiserte under namnet Jørgen Gjerding. Gjerding er namnet på gardsbruket han brukte saman med kona Anna Sofia Saxegaard på Sve-Gjerde (Gnr. 26) i Stranda.

Jørgen Gjerde samla inn segner og publiserte frå heile Sunnmøre og var aktiv i Sunnmøre Sogelag og publiserte mindre stykke i Tidsskrift for Sunnmøre historiske lag. Men dei fleste arbeida hans tok utgangspunkt i heimbygda Stranda, og han var ein av inititivtakarane bak bygdebokarbeidet i kommuna og store delar av Stranda bygdebok bind I var forfatta av Jørgen Gjerde. Bandet kom først ut etter at Gjerde var død.

Bibliografi

• Gjerding, Jørgen, Stranda. Eit minneskrift til hundreårsdagen 17. mai 1814. Ålesund 1914. 84s.ill.
• Gjærde, Jørgen, Dialektprøve fraa Stranda i Tidskrift for Sunnmøre historielag, Årg. 6, 1914. s.92-93
• Gjerding, Jørgen, Folkeminne frå Sunnmøre. Ålesund 1921. Bind 1 av 2, bind 2 utgjeve i 1932.
• Gjerding, Jørgen, Avskrift av eit diplom frå 1604 og 1638. i Tidskrift for Sunnmøre historielag. Årg. 12/13, 1920/22. s.l07f.
• Gjerding, Jørgen og Roald, Karl, Kyrkjene i Stranda 1000-1938. Utgjeve til 100-årsfesten for Stranda kyrkje. Ålesund 1938. 72s.ill.
• Gjerding, Jørgen, Stranda Sparebank gjennom 75 aar 1849-1924. Eit kort oversyn. Ålesund 1924. 22s med portrett.
• Gjerding, Jørgen, Folkeminne frå Sunndmøre II, Ålesund 1932.
• Gjerding, Jørgen, Tenarlønene i gamle dagar, Tidskrift for Sunnmøre historielag, Årg. 24/25, 1937/38. s.24-28
• Gjerding, Jørgen, Stranda kommune 1837-1937. Med bidrag frå Jørgen Gjerding, C.D.Ous, R. Langlo, Stefan Aasen og O. Fjørstad. Ålesund 1937. 105s. ill.

Kjelder

• Kjølås, Gerhard. 1954. Stranda bygdebok I, Gard og Grend s. 3-4.
• Ugelvik-Larsen, Stein. 1975. Sunnmøre samfunn : informasjon om samfunnsforhold på Sunnmøre
• [[1]]