Giske sogelag
Det har trolig ikke vært gjort noen endringer på artikkelen den siste uka. I så fall kan denne markeringa fjernes, men sjekk redigeringshistorikken og eventuelt diskusjonssida først.
Giske sogelag i Giske kommune vart skipa 29. september 1963. Laget gjev ut Årsskrift for Giske sogelag. Laget har til føremål å fremje interesse og kunnskap om lokalhistorie på øya Giske, og ein vil oppnå dette gjennom historieformidling samt vern av tradisjonar og kulturminne.
Aktivitet
Det har vore mest vekst i 2010-åra. I svært mange år var det sporadiske årsmøte og lite aktivitet i laget. Frå 2012 har det vore årlege årsmøte. Frå 2015 har det vore historiske vandringar på øya. Hausten 2019 starta laget strikkekafé ein gong i månaden for å skaffe folk ein treffstad.
I 2018 overtok sogelaget den gamle skulen på Giske frå 1904. Der er det no (2019) storstilt rehabilitering/restaurering. Laget har fått ei løyving til restaureringsarbeidet frå Kulturminnefondet og Møre og Romsdal fylkeskommune. Dei nærmaste åra vil rehabiliteringa av gamleskulen vere det viktigaste prosjektet til Giske sogelag.
Leiarar
- 1963-1965: Elias H. Giske
- 1965-1969: Ragnar A. Giske
- 1969-1981: Elias H. Giske
- 1981-1983: Ragnar A. Giske
- 1983-1999: Knut Birger Giske
- 1999-2006: Elias H. Giske
- 2006-2008: Atle Bonsaksen
- 2008-2013: Leif Urtegård
- 2014-2015: Olav Giskegjerde
- 2015-d.d : Turid Giskeødegård
Elias Giske har vore ein viktig person for sogelaget og har halde det levande i periodar med lite aktivitet. Giske har mellom anna skrive mange artiklar i årsskriftet, utarbeidd eit hefte om Giske kyrkje og vore primus motor for utarbeiding av Giskedrakta.
Publikasjonar
Årsskriftet har blitt gitt ut sporadisk gjennom åra, men sidan 2012/13 har det kome ut annakvart år.
Kjelder og litteratur
- Opplysningar frå historielaget, 2019 (Landslaget for lokalhistorie si lagsundersøking).