Jakob Norby

Jakob Norby (1851–1911) var ein lærebokforfattar og overlærar, frå 1898 skuleinspektør i Bergen, som fekk utgjeve bøker i perioden 1882–1908. I arbeidet sitt som skuleinspektør i Bergen arbeidde han særleg for å få til fritt skulemateriell for elevane — noko som møtte sterk motstand frå fleire av dei eldre medlemmene av skulestyret: Dei meinte at det ville redusere sjølvbergingsviljen frå folk og velte ansvaret for borna over på samfunnet.

Jakob Norby dødde den 18. juni 1911 av komplikasjonar etter influensa.

Verk

«Österrig-Ungarn». Kart frå Byström og Norby sitt skuleatlas frå kring 1900.

Som eineforfattar

• 1882 - Historiske tids-tabeller til brug i høiere skoler. Kristiania : Osk. Knabelauchs forl, 1882.
• 1882 - Historiske tids-tabeller til brug for middelskolen. Kristiania : Osk. Knabelauchs forl, 1882.
• 1883 - Digtarterne : omrids til skolebrug. Kristiania : Achehoug, 1883.
• 1887 - Grunddrag av verslæren : (metriken). Kristiania : [s.n.], 1887. (utg. anonymt, men skrive av J. Norby)
• 1887 - Historiske tids-tabeller til skolebrug. 2. omarb. udg. Kristiania : Osk. Knobelauchs forl, 1887.
• 1888 - Omrids af vor litteraturs historie for middelskolen og den høiere pigeskole. Kristiania : Huseby & co, 1888.
• 1889 - Digtarterne : omrids til skolebrug : med et tillæg om de prosaiske skriftarter. Kristiania : [s.n.], 1889.
• 1890 - Lettere tyske stil-opgaver for skolens mellemtrin. Kristiania: Beyer, 1890.
• 1903 - Norsk Udtale-Ordbog over fremmede Navne for Skole og Hjem. Bergen : Grieg, 1903.
• 1908 - Ordliste til norsk retskrivning : med et tillæg om tegnsætningen. Bergen : Bergens skolestyre, 1908.

Som medforfattar

• ca 1900 - Bystrøm, A.H. og Jakob Norby: Nyt norsk skole-atlas. Bergen : Beyer, [ca. 1900]

Kjelder

• Hoprekstad, Olav. Bergen folkeskule 1890-1911. Utg. Eide. Bergen. 1960. Digital versjon på Nettbiblioteket.