Lunnende

Lunnende er ei nemning for tilliggjande rettar, føremonar og ekstra ressursar (utanom jorda, husa og husdyra) som kan vere knytte til ein jordeigedom. Det er det same som ligg i uttrykket «lutar og lunnar» eller «tilliggende herligheter», formuleringar som ein ofte finn i eldre skøyte og gardsbeskrivingar av ymse slag. Døme på lunnende er skog, ålmenningsrett, kverner, seterrett, fiskerett osv. Ordet lunnende kjem av norrønt hlunnendi = lette, bate, gode.

Eksterne lenkjer

• «lunnende» i Norsk Ordbok.