Synagogen i St. Jørgensveita i Trondheim

Synagogen i St. Jørgensveita i Trondheim (aktiv 1899–1925) låg i loftsetasjen av St. Jørgensveita 7 og vart innvigd som den første synagogen i Trondheim i 1899. Av bildet ser vi at benkene alle snur framover, og at bimen (tebáen) er ein del av plattforma fremst i rommet, rett under or’n keides (Hekhál). Denne måten å plassere bimen på er typisk for nyare asjkenaziske synagogar — særleg blant progressive og masorti meinigheiter.

Hovudrommet i den tidlegare synagogen i St. Jørgensveita i Trondheim.

Foto: Ukjent, tidleg i 1920-åra

Parókhet (arkforheng) frå synagogen i St. Jørgensveita i Trondheim, datert 5670 (1909/1910). Parókheten vart attfunnen i 2009 og er no utstilt i Det jødiske museum i Trondheim.

Foto: Olve Utne

Synagogen var i bruk fram til den noverande synagogen i Arkitekt Christies gate i Trondheim vart innvigd i oktober 1925. Ein del av inventaret frå synagogen i St. Jørgensveita 7 finst i dag i den nye synagogen — blant anna arka, sjulḥánen (lesepulten) og eit par benker. Bygninga finst stadig og fungerer no som privat bustad.

Galleri

• 

  Den tidlegare synagogen i St. Jørgensveita 7 i juli 2008.

  Foto: Olve Utne
• 

  Inngangen til den tidlegare synagogen.

  Foto: Olve Utne (2008).

Kjelder

• DMT Trondheim
• Jødisk museum