Åslandsgrend

Åslandsgrend ligg høgt og fritt på ein ås nordvest for Hegglandsgrend i Fyresdal

Namnet

Åslandsgrend og Hegglandsgrend har båe eit grendenamn som har noko til felles i land-nemninga og at dei båe har blitt borte i si opphavelege form. Truleg har heile Åslandsgrend vore ein gard med namn Åsland, men garden var oppdela og borte lenge før me har skrivne kjelder. Det er Breiland Gnr. 57/6 som peikar seg ut som den store funnstaden i grenda.

Gardar i Åslandsgrend

• Austjord. Gnr. 54

Austjord, eller det austre jordet, må etter namnet å døme vore skild ut frå ein større gard som truleg heite Åsland.

• Eiken. Gnr. 55

Gardsnamnet kjem truleg frå trenamnet eik.

• Lundehall. Gnr. 56

Namnet kjem frå lund i ein skråning.

• Rinden. Gnr. 57

Ordet rindi tyder ein jordrygg eller ei lang høgde.

• Haga. Gnr. 58

Hage tyder hamnegang eller inngjerda jordstykke og er med på å teikne biletet av ein større gard dela opp i mindre partar i fjern fortid.

• Holer. Gnr. 59

Namnet kan peike på rundaktige høgder.

• Graver. Gnr. 60

Ei grav er eit hol i bakken laga av menneskje og truleg har det vore dyregraver her til fangst i gamal tid.

Skule

Åslandsgrend skule Gnr. 57/9 er ein tradisjonsrik skulestad der skulehuset i 2023 fungere som eit godt drive grendehus.