Anne Reinton (1842–1929)
Anne Larsdotter Reinton (fødd 30. november 1842, død etter 1910) var utdanna jordmor og virka i jordmordistrikta Ål og Hol mellom 1864 og og 1894.
Anne vart fødd på Gol. Ho var dotter av Lars Larson Lauvdokken frå Gol og Margit Embrikksdotter frå Ål. I 1867 gifte ho seg med gardbrukar Ola Sjugurdson (1820-1911) frå øvre Reinton. Ho var andre kona hans og paret fekk to born saman.
Reinton var tilsett som jordmor i Ål jordmordistrikt i 1864, med eit virkeområde som svara til prestegjeldet Ål. Praksisen skulle ligge mellom Strand og Sundre, og i folketellinga for 1865 er ho registrert som jordmor og busett som innerst på garden Sandaker i Breie, i dag (2017) Ål kommune. Då Anne gifta seg med Ola S. Reinton i 1867, fekk ho lov til å drive praksisen sin frå Øvre Reinton (4/1), i dag Hol kommune.
I 1872 vart Hol eige jordmordistrikt (fem år før Hol vart skilt ut frå Ål som eigen kommune). Frå det året virka Reinton berre i Hol. Då vedtok Ål herad å sende Kristi Varaberg på jordmorskule. Då Anne slutta i 1894, tok Margit Nerol over praksisen hennar.
Anne Reinton var også den fyrste jordmora som fekk ansvar for vaksinasjonen i bygda. Sjølv om vaksinasjon vart lovpålagd i 1815, vart det nok ikkje gjennomført før frå 1819. Dei fyrste året var det lærarane som sto for vaksineringa, men frå 1886 tok jordmødrene over.
Kjelder
Det har trolig ikke vært gjort noen endringer på artikkelen den siste uka. I så fall kan denne markeringa fjernes, men sjekk redigeringshistorikken og eventuelt diskusjonssida først.
- Reinton, Lars: Folk og fortid i Hol. Bd. 2, s. 465, 481. Bd. 3, s. 73-74.
- Folketellinga for 1865 for Ål prestegjeld (pf01038088004741). Fødselsdato her oppgitt til ca 1844.
- Folketellinga for 1900 for Hol herad (pf01037116001105). Fødselsdato her oppgitt til 1841.
- Folketellinga for 1910 for Hol herad (pf01036469000049). Fødselsdato: 30/11-1842.