Arbeidarbustadane i Folgefonngata 9 (Odda): Forskjell mellom sideversjoner

Dei første arbeidarbustadane som blei bygde i Odda sentrum var små trehus i ein og ein halv etasje. Tre av desse husa høyrer til Industristadmuseet i dag.

I 1907 starta karbid- og cyanamidfabrikken å byggja ut to område med bustadar til dei fastbuande arbeidsfolka. Ei rekke med hus blei bygd langs Røldalsvegen frå Nyland og sørover. Og på Bakke kom eit anna felt med hus på begge sider av Folgefonngata eller Dr Boyds gate som gata heitte først. Hustypen er kjend frå fleire andre fabrikkanlegg og vi kjenner ikkje namnet på arkitekten. Men stilen har trekk frå enkel jugendstil. Det ser vi på det "knekte" avrunda mønet og på formen på vindaugene; kort, ruta  felt oppe og høgt felt nede.