Aurgjeldsgeit: Forskjell mellom sideversjoner

'''[[Aurgjeldsgeit]]''' eller '''aurgjeldgeit''', òg kalla '''aurgjeldsbåt''' og rett og slett '''aurgjelding''', er den nordligaste av dei tre geografiske hovudtypane av [[geitbåt]]ane. Dei skil seg ut frå dei to andre hovudtypane ved at dei er noko smalare; dei har lengre kjøl og brattare stamnar; og dei er rigga enten med symmetrisk [[råsegl]] eller med [[lårsegl]] («geitbåtsegl»), i motsetning til søfjordingen og romsdalsgeita, som normalt allveg er rigga med lårsegl. Med unntak av dei mest alderdommelige båtane har dei gjerne fleire trekk frå dei nyare [[åfjordsbåt]]ane enn andre geitbåtar har, inkludert [[vaterbord]], rorkult (i staden for [[styrvol]]) og festbetar. I nyare tid er aurgjeldsgeita typisk for det gamle [[Aure prestegjeld]], inkludert [[Rodal og Engdal]] og [[Stemshaug]], så vel som [[Vinjefjorden (Møre og Romsdal)|Vinjefjorden]] innover mot [[Vinjeøra]] i [[Hemne kommune]], men i eldre tider (føre kring 1800) ser dette ut til å ha vore den tradisjonelle båttypen i [[Trøndelag]] òg. </onlyinclude>

Under den arkeologiske undersøkinga av bibliotekstomta i [[Trondheim]] 1973–1985 vart det funne deler av ein båt som hadde vorte oppattbruka som uthusgolv ein gong kring første halvdelen av 1600-talet. Desse båtdelene ser ut til å komma frå ein gammal [[fyring]]. [[Jon Bojer Godal]] skriv om dei: «Typiske delar frå geitbåt og passar ikkje til nokon annan kjend type.»<noinclude><ref>{{Godal 2014}}</ref></noinclude> Karakteristisk for dette funnet er elles at ein båt så stor som ein fyring hadde breie kjølfjærer (7") heller enn [[ørhu]]. I ''Åfjordsbåten'' (b. 3 av ''Nordlandsbåten og åfjordsbåten'') siterer Godal ein tradisjon frå [[Åfjorden]]: «Kjølan og harsan va' saman før.» Dette stemmer med kjølfjørene som faktisk er like breie som det nedste halsbordet på ein åfjordsbåt.

[[kategori:geitbåter]]

[[kategori:Aure kommune]]

[[kategori:trønderbåter]]

[[kategori:klinkbygging]]