Austevoll kommune: Forskjell mellom sideversjoner

<onlyinclude><includeonly>[[Fil:1244 Austevoll komm.png|thumb|80px]]</includeonly>'''[[Austevoll kommune]]''' er ein øykommune vest i [[Hordaland fylke]]. Kommunen ligg i [[Midthordland]], ut mot [[Nordsjøen]], og er elles omgjeven av kommunane [[Sund kommune|Sund]] i nord, [[Os i Hordaland|Os]] i nordaust, [[Tysnes kommune|Tysnes]] i aust, og [[Fitjar kommune|Fitjar]] og [[Bømlo kommune|Bømlo]] i sør. Administrasjonssenteret i kommunen er [[Storebø (Austevoll)|Storebø]], som også er den største bygda. Kommunen har vidaregåande skule, [[Fiskarfagskulen i Austevoll]]. Der ligg ei avdeling til [[Havforskningsinstituttet]] i [[Bergen]].

I generasjonar har fiskeri vore den største næringa i kommunen. Sidan 1980-talet har det vore stor vekst innanfor havbruksnæringa, og kommunen er i 2014 ein av landets største innan oppdrett av laks. Fiske, havbruk og oljeverksemd er dei største næringane i kommunen</onlyinclude>.

Austevoll var opphaveleg namn på garden Austevoll som ligg på Hundvåkøy. Truleg fekk garden dette namnet fordi han var den austlegaste av fleire gardar på staden. På garden stod det ei kyrkje i omkring 250 år (1640-åra-1891), og kyrkjesoknet hadde namn etter denne garden. I 1886 tok [[Austevoll soknekommune|soknekommunen Austevoll]] dette namnet, og i 1957 vart Austevoll saman med [[Møkster soknekommune]] namnet på heile kommunen.

Austevoll består av 667 småkuperte øyar og holmar. Kommunen har ei strandline på 337 kilometer og eit areal på 114 km². Dei største øyene dannar ein halvsirkel med opning vestover. Frå nordvest, rekna med klokka, ligg [[Storekalsøy]], så [[Hundvåkøy]], lengst aust ligg [[Huftarøy]], sørvest for Huftarøy ligg [[Selbjørn]] og vest for Selbjørn ligg [[Stolmen]]. Heilt vest i kommunen, mellom Storekalsøy i nord og Stolmen i sør, ligg øyene (frå nord og sørover) [[Horgo]], [[Møgster]], [[Litlakalsøy]] og [[Hevrøy]]. Innimellom dei sørlegaste øyane ligg [[Lunnøy]]. I vest ligg Nordsjøen, i nord [[Korsfjorden i Hordaland|Korsfjorden]], [[Bjørnafjorden]] i nordaust, [[Langenuen]] i aust og [[Selbjørnsfjorden]] i sør. Den høgaste toppen i Austevoll er [[Loddo (Austevoll)|Loddo]] på 244 meter.

I kommunen er det fleire landbaserte verksemder som produserer for havbruk og fiske- og supplyflåten både i Norge og på verdsmarknaden. Ein stor underskog av mindre og nødvendige selskap er oppretta dei siste 30 åra. Dei siste åra har næringslivet i kommunen lege øverst på næringstoppen i landet. Kommunen ligg berre etter Bergen i den maritime næringsklyngja i Hordaland.

===Bygder===

===Øyer med heilårs busetnad===

|10

Austevoll kommune vert styrt etter formannskapsmodellen. Kommunestyret består 27 representantar, samansett av [[Framstegspartiet]] (9), [[Høgre]] (7), [[Arbeidarpartiet]] (4), [[Senterpartiet]] (3), [[Kristeleg Folkeparti]] (3) og [[Venstre]] (1).  

Etter valet i 2003 vart Helge André Njåstad vald til [[ordførar]] i kommunen. Kommunen blir styrt av eit fleirtal i kommunestyret utgått av Framstegspartiet, Senterpartiet, Kristeleg Folkeparti og Venstre.

==Skule==