Buskerud husflidsskule: Forskjell mellom sideversjoner

[[Kristina Slettemoen]], som dreiv vevskule på Gol, meinte det ville høve godt med ein husflidsskule på Gol. Ho kontakta [[Buskerud husflidslag]] om saka, og dei tok opp spørsmålet på årsmøtet i 1950. Året etter valde dei ei nemnd, med Slettemoen som leiar, som skulle arbeide med saka. Nemnda sende ei innstilling til fylkestinget i 1954. Det var interesse for saka, men fylket hadde ikkje pengar å avsjå. Og om dei hadde hatt det, ville dei bygd og drive skulen på [[Lampeland]] i [[Flesberg kommune|Flesberg]].  

Arbeidet vart likevel vidareført i ei ny nemnd nedsatt av fylkestinget. På deira initiativ vart det oppretta ei husflidslinje på [[Numedal folkehøgskule]]. Nemnda innhenta også planar frå fleire kommunar om husflidsskule. Gol skilde seg ut. Dei kunne tilby lokale i [[Gol trevarefabrikk]], sørgje for innkjøp av utstyr og var viljuge til å dekkje delar av husleiga. Dette gjorde at skulen kunne komme i gang på Gol, men fylket såg på dette som ei midlertidig ordning.