Gjerde (Jostedalen): Forskjell mellom sideversjoner

<onlyinclude>'''[[Gjerde (Jostedalen)|Gjerde]]''' (Luster, gnr. 207/3) er eit gardsbruk og bygdesentrum i [[Jostedal|Jostedalen]], [[Luster kommune]]. Staden ligg langs hovudvegen framover Jostedalen der [[Krundøla]] kjem ned i hovuddalføret. Gjerde sokna til [[Krundalen skule]] fram til krinsen vart nedlagd i 1963.

Etter nyryddinga av Jostedalen på 1500-talet høyrde heile området i hovuddalføret på sør- og nordsida av [[Krundøla]] til garden [[Flatejordi (Jostedalen)|Flatejordi]], som er nemnd alt i presteskattelista frå 1596. Men Flatejordi vart lagt øyde att kring 1610, og garden vart delt slik at bonden på [[Haugen (Jostedalen)|Haugen]] fekk hand om området på nordsida av Krundøla medan [[Hellegård (Jostedalen)|Hellegård]] fekk hand om området på sørsida. </onlyinclude> Likevel var også området på sørsida som låg til Hellegård, matrikulert under Haugen fram til 1838 då det vart overført til Hellegård.

'''Gjerde 1''': Etter kring hundre år utan busetnad på den gamle Flatejords-garden vart den fyrste husmannsplassen på Gjerde rydda kring 1712. Dette er den tidlegaste kjende husmannsplassen i Jostedalen. Opplysningane om ryddinga og den fyrste busetnaden er likevel usikre.<ref>Øyane 1994, s. 804</ref> Det er mogleg at husmannsplassen Gjerde vart bygt der det gamle Flatejords-tunet låg hundre år før, men dette er uvisst. <ref>Øyane 1994, s. 789</ref> Plassen låg under bnr. 3 Gjerde frå matrikuleringa i 1901 og vart nedlagd så seint som i 1952 då yngste sonen til dei siste plassfolka flytte stovehuset til Kvile (bnr. 6).

Ved ei delingsforretning 16.-18. juli 1901 vart dei tre Gjerde-plassane utskilde som eit eige gardsbruk (''Gjærde''). Denne parsellen femnde òg om halvparten av øygarden på [[Flatejordi (Jostedalen)|Flatejordi]] på nordsida av Krundøla.