Gløshaugen kyrkje: Forskjell mellom sideversjoner

<onlyinclude>Kyrkja er [[lafteverk|lafta]] og har [[våpenhus]], [[kyrkjeskip|skip]] og [[kor (arkitektur)|kor]]. I tillegg er det eit tilbygg med [[sakristi]]. Taket over skipet er kombinert ''[[Leksikon:Takkonstruksjon|ås- og sperretak]]''. Det er fire åsar av rundtømmer på kvar side av mønet, og oppå desse att kviler fem firhogde originale sperrer på kvar side som i sin tur ber [[sutak]]et saman med supplerande rundstokkar av [[gran (tre)|gran]].</onlyinclude><ref name="Tradisjonsbygg"/> Tårnet er bygd til seinare, og undersøkingar av tårnfundamentet viser at det originale sutaket hadde ståande [[tjøre]]bredd bordtak og [[mønkjøl]] av heilstokk.<ref name="Tradisjonsbygg"/> Det er funne rester etter [[takspon]] der òg, men det er usikkert kva tid og på kva vis denna spona vart bruka. I nyare tid har taket vorte tekt med [[shingel]] av gran, men det er snakk om  å føre taket tilbake til bord- eller spontak i samband med reparasjon av tårnet &mdash; truleg i løpet av 2009.<ref name="Tradisjonsbygg"/> Kyrkja er panelt utvendig med grov [[tømmermannskledning]]; denne panelinga stammar truleg frå [[1700-talet]]. Ho er raudmåla med kvitt som kontrastfarge ved novene og kring vindauga.