Hans Hansen Lillienskiold d.e.
Hans Hansen Lillienskiold (Hans Hansen Schmidt) (fødd ca 1610 i Tønder, Danmark, død 6. november 1681 i Bergen) var son av handelsmann Hasn Schmidt i Tønder. Han vart adla 26. mai 1676 og tok då namnet Lillienskiold.
Lillienskiold var slottsskrivar på Bergenhus 1641-1648, tok deretter borgarskap i Bergen, var rådmann der frå 1650, lagmann i Bergen frå 1652, lensherre over Trondheims len 1658-1662, medlem av det nordenfjelske admiralitetsråd frå 1665, møtte i overhoffretten 1665-ca 1670, kongeleg kommisær i Noreg 1665, assessord i Høgsterett i Noreg 1665 og i overhoffretten 1666-1669, amtmann for Bergenhus amt 1667-1669 og konstituert stiftamtmann for Bergen stift 1679-1681.
Han var ein svært rik mann og sat med mykje jordegods i Bergens stift, mellom anna delar av det tidlegare godset til Apostelkyrkja i Bergen. Ein del av dette var alle gardar i Jostedalen i Sogn og Fjordane som han overtok frå Kongen med skøyte 24. januar 1664. Jostedalsgodset vart selt vidare til Birgitte Munthe i mars 1681. (Sjå Eigedomstilhøve i Jostedalen før 1800.)
Med den fyrste kona si Margrethe Jonasdatter (død ca 1654) fekk han sønene
- Hans Hansen Lillienskiold (ca 1650-1703)
- Jonas Lillienskiold (ca 1651-1691)
Litteratur
- Artikkel i Dansk biografisk leksikon
- Nedrebø, Yngve. (1999). Hans Hansen Lilienskiold (ca 1650-1703) - kunstner, humanist og adelsmann. Bergensposten (nr. 2), 9-11. (Digital utgåve)
- Weidling, Tor. (2000). Eneveldets menn i Norge. Sivile sentralorganer og embetsmenn 1660-1814. Oslo: Riksarkivaren, s. 233-234.1