Henrik Straumsheim
Henrik Straumsheim (fødd 1893, død 1975) var skulemann, ungdomsleiar og lyrikar frå Sykkylven kommune. Han voks opp på bruket Teigen på Straumsheim inst i Sykkylvsfjorden. Etter grunnskulen reiste han i 1909 til Volda der han tok mellomskulen. Det var medan han gjekk her at han fekk det første diktet sitt på prent. Heimen min stod i bladet Aarvak si utgåve 22.januar 1910.