Hilde Louise Asbjørnsen: Forskjell mellom sideversjoner

Hilde Louise Asbjørnsen er ein musikar, tekstforfattar, komponist, revyartist og skodespelar fødd i Sykkylven i 1976. Sjangermessig er Asbjørnsen grenseoverskridande. Ho har skrive og framført musikk med eige band i sjangrane jazz, pop og kabaret sidan 2000.

Hilde Louise Asbjørnsen starta si musikalske utvikling i heimkomunen Sykkylven. Ho tok pianotimar med fru Tynes, og fekk seinare undervisning  i den kommunale musikkskulen med pianolærarane Åge Lade og Corrado Genta. Ho song i det lokale gospelkoret Message. Då ho var 16 år kom ho med i aktivitetane til modellbyrået Piaf Modeller i Ålesund, og fekk her stimulert si interesse for dans og underhaldning.Etter fullført vidaregåande skule i Sykkylven reiste ho i 1996 til Oslo der ho tok bachelor i teatervitskap ved Universitetet i Oslo i 2001.

Parallelt med studia tok ho på seg oppdrag som skodespelar og var med i studenteateret. Det var her ho møtte Lene Kongsvik Johansen. Saman etablerte dei kabaretduoen Asbjørnsen & Joh. med referanse til dei kjende samlarane av folkeeventyr Asbjørnsen og Moe. Dei fanga publikum, si interesse med framsyningar i den satiriske og humoristiske sjangeren. Dei framførtre sitt sjølvlaga stoff både på scena, i radio og på fjernsyn. Deira første show, Noraprisen, hadde premiere i 2000. Dei samarbeidde tett fram til 2008, då dei hadde sitt førebels siste samarbeidsprosjekt.  

Samstundes som ho skreiv tekstar og musikk for Asbjørnsen & Joh. byrja ho å skrive songar med engelske tekstar. Ho voks opp med ei mor, Ingjerd Asbjørnsen, som høyrde mykje på dei store jazzstjernene som Louis Armstrong, Ella Fitzgerald, Billie Holliday og Nat King Cole. Dette påverka henne nok meir enn ho var medviten om, og danna ei grunnlag som ho kunne nytte til å finne sitt eige uttrykk. Etter kvart kjende ho seg såpass trygg på stoffet og seg sjølv, at ho også kunne gje jazzlåtane ho komponerte tekstar på heimemålet.

Ved sida av musikarkarrieren har Asbjørnsen hatt mange oppgåver som skodespelar og kabaret-artist. I 2008 hadde ho hovudrolla i Riksteatrets musikal "Little Me", og i 2011 hadde ho hovudrolla i Oslo Nye Teaters oppsetjing av musikalen "The Producers." I 2014 hadde ho hovudrolla i "Ms. Adeleide" og i 2015 i oppsetninga av musikalen "Chicago" på det same teatret. I 2015 og 2016 kom karrierens førebelse høgdepunkt gjennom soloforestillinga "The Lulu show - livet er en dans på renter, som hadde premiere på Centralteatret i november 2015. Seinare vart det spelt ekstraforestillingar på Chat Noir Teater i Oslo.