Jon Kiland

Jon og Gro Kiland (H. R. Norberg, Tvedestrand)

  han ein landhandel på garden. Han var ein kunnskapsrik og framsynt skogeigar med sterkt engasjement innafor fleire sider av næringslivet og samfunnet generelt. Han var  ordførar i Fyresdal 1902-1904 og medlem av direksjonen for Fellesfløytinga etter omorganiseringa i 1903. Her gjekk han sterkt ut mot byen sine sterke interesser.

I 1885 kjøpte han øvre Væting og flytta opp dit. Der utbetra han husa og jorda mykje, starta og opp her ein landhandel. Han var då ein ser aktiv mann i det kristne arbeidet.

Væting øvre (Olav S. Nylid)

Han var initiativtakar til Fyresdal Dampskipsselskap som stod som kjøpar av D/S Fyresdal i 1876. Han la ned ein stor innsats for å få bygd ein sidebane frå Tjønnefoss stasjon på Treungbanen og opp til Kilegrend. Då ville ein kunne sleppe den vanskelege fløytinga i vassdraget. Traseen vart planlagd, det vart sikra lokal innsats, men Stortinget gjekk ikkje inn for det. I hans tid vart det gamle legdsystemet avløyst og han gjekk inn for å kjøpe garden Foldsæ i Hauggrend til fattiggard.

I 1860 åra var der ei stor vekking i Vrådal. Jon Kiland var på eit stormøte der i 1873 og då vart han omvend. Frå den dagen gjekk han fullt og heilt inn for kristent arbeid. Han hadde eit sterkt ynskje om at andre skulle få del i det nye han opplevde, og når det kom predikantar til Kilegrend, sende han dei mellom anna over til Vik i Birtedalen der kona hans var frå, for å halde møter der. Han var gift med Gro Tjøstovsdtr. Vik (1841-1919). Han kosta av eigen pengepung løn til predikantar som kom og heldt møte, og til predikantar som vart sendt ut. Etter den store vekkinga på Vegårdshei i 1880-åra slutta han seg til dei. Det vart bygd bedehus i Kilegrend, og det vart sagt at Jon Kiland kosta dette åleine, han fekk og bygd bedehus på Veum og bedehuset Betel i Folkestadbyen i sentrum.

Kjelder:

• Lars Veum: Eit hundreår med skogbruk i Fyresdal. Fyresdal skogeigarlag 1911-2011
• Lars Veum; Lars Veum: Kilegrend. Grenda i sør. Kilegrend Grendelag 2011.
• Steinar Marvik: Fyresdal. Gards- og ættesoge. Fyresdal kommune 1992
• Kristenliv i Telemark. Et festskrift ved Skien krets av Norsk Luthersk Misjonssambands 50 års jubileum av Karsten Ådna. A.S. Lunde & Co.s forlag 1955