Lydia Olsrud: Forskjell mellom sideversjoner

'''[[Lydia Olsrud]]''' (også ''Lydia Olsrud Norland'') (fødd [[11. desember]] [[1884]], død [[18. mai]] [[1983]]) var forretningsdrivande i [[Mosjøen]] frå 1927 til omkring 1980, det meste av tida som kioskeigar.

Lydia Olsrud vart fødd utanfor ekteskap og voks opp på garden [[Olsrud i Grane|Olsrud]] i [[Grane kommune]]. Foreldra var Kristine Lovise Jensdotter og Svein Erik Davidsson, ein svensk skreddar som var kommen til distriktet gjennom sølvgruvedrifta i [[Svenningdalen]]. Gjennom faren var ho halvsyster til forfattaren [[Andreas Haukland]].

Som nykonfirmert 15-åring fekk ho teneste hos sokneprest [[Ole Tobias Olsen]] i [[Hattfjelldal]], sidan flytta ho til Mosjøen og fekk butikkarbeid. I 1907 var ho med å stifte ''Øvre Vefsn Ungdomslag'', ei tid var ho kasserar i laget. I 1927 starta ho eigen forretning, og i 1927 kjøpte ho eigne lokalar der ho selde tobakk, frukt, grønsaker og sjokolade. Nokre år etter [[andre verdskrigen]] vart lokala rivne, men då hadde ho alt kjøpt kiosken som fram til han brann i 1976, var kjend som ''Lydiakiosken''.

I 1930 vart ho gift med stavangermannen Harald Norland. Han døydde vinteren 1945.

Lydiabrygga, som vart eit førebilete for restaureringsarbeidet i [[Sjøgata i Mosjøen]], var det lenge Lydia Olsrud som åtte.   

I vår tid er Lydia av næringsdrivande i Vefsn blitt halde fram som eit førebilete både for kvinner og menn.

==Bakgrunnsstoff:==