Markane krins

Markane krins er ein skulekrins i Stryn kommune krinsen dekka Nordmarkene i gamle Stryn kommune, det vil sei gardane Svingeset, Fænn, Dybevold, Inigard Maruset, Hatledal, Dale og Kroken. I 1867 vart krinsen slegen saman med Bergsida krins og gjekk under namnet Markane og Bergsida krins. I 1870 vart Markane og Bergsida på ny skilde.

Markane skule hadde omgangsskule til 1929. Etter det heldt dei skule i ungdomshuset Skogstjerna. Frå skuleåret 1950/51 gjekk elevane frå Sørmarkene (gamle Innvik kommune) også på skule i Skogstjerna ungdomshus. Stryn og Innvik kommunar samarbeidde såleis om skulen fram til kommunesamanslåinga i 1965. 

Skulehus

Frå 1930 vart det halde skule på ungdomshuset Skogstjerna. Etter kvart vart det sett opp brakker bak ungdomshuset for å huse fleire klasserom og lærarrom. Markane skule vart lagt ned sommaren 1996, og elevane vart overførde til Tonning krins.

Kjelder og litteratur

Prenta kjelder

• Kåre Nygård (red) (2006) Skulehistorie for Innvik og Stryn kommunar 1739-2000