Nordheim (Aure): Forskjell mellom sideversjoner

Det er vel rimeleg å tru at namnet var karakteristisk for garden der han faktisk låg i eldre tid &mdash; i austhellinga av den karakteristisk lange, smale og bratte åsryggen som ligg som eit skaft frå rett nordom Bergskallen i sørkant av garden og heilt til Nauthatten vestom nordenden av vatnet. Og der ligg det ei fonetisk sett svært nærliggjande forklaring i ordet '''navte''' ({{pl.}} ''navth'') eller '''nåvte''' ({{pl.}} ''nåvth''). Dette [[sørsamisk]]e ordet tyder ‘langt skaft (på øks, slegge, grev, hakke; lengre enn ''nïrre'')’.<ref>{{Bergsland/Magga 1993}}</ref> Semantisk føyer det seg fint inn blant andre topografiske namn i området, inkludert [[Litløra|Imarn]] (‘ima, grovnåla”) og Stabben (‘hoggstabben’). I dag er namnet først og fremst bevart i det samansette namnet [[Nauthatten]] heilt i nordenden av åsryggen. Nauthatten kan logisk settast i samanheng med hovudplagget ''hatt'', og dette passar rimeleg godt med forma. Samtidig gjer det dén tolkinga litt mindre sikker når vi veit Nauthatten er karakteristisk ved ''“den botnlause slukta”'',<ref>{{Roaldset 1986}}</ref> jf. sørsamisk ''haevtie'', som tyder ‘stort hull i berg eller sandjord’:<ref>{{Bergsland/Magga 1993}}</ref> Når vi går opp mot toppen av Nauthatten langs stien frå nordenden, så kan vi svinge av til venstre på siste flata føre toppen. Etter ei bratt nedstigning nokre meter går vi nokre få meter mot høgre, og da ser vi eit relativt stort hol i bergskråninga. Frå opninga går det ei hole fleire meter ned på skrå inn i åsryggen. Dette er ei typisk '''haevtie'''. Om namnet på åsryggen har vore Navth, vil ein treffande beskrivelse av denne hola vera ''Navth-haevtie'' eller ''Navti-haevtie''.