Ola Strond
Ola Strond (Søynin) (1813 - 1902) var spelemann, gardbrukar, konstruktør av etasjeomnar og oppfinnar frå Vang i Valdres.
Spelemannen
Ola Strond lærde spel av mellom anna av Nils Svegji, Knut Nordland, Nils Hilme m.fl. Ola Strand var viktig læremeister for spelemenn både i Valdres og Sogn, og reiste ofte på spelferder i Sogn. Spelemannen Sjur Eldegard frå Årdal var ein av elevane hans.
Oppfinnar:
Han var særleg kjend som spelemann, men han konstruerte også etasjeomnar, treskeverk, smidde børser, laga seg lue av kopar som han brukte som kokekar i fjellet, konstruerte Bukkeklukka på Søyne - eit urverk der to bukkar kom ut og stanga kvar time, bygde veltepetter (velociped) og hus av leire, var den første som la skifertak i Vang, bygde børser og konstruerte sjølvskotmekanismar mot bjørn, starta fiskeutklekking midt på 1800-talet, og laga lurebriller av brisk.
Ikring 1850 og fram mot 1890 konstruerte Ola Strond noko som kan vera av dei første etasjeomnane i landet. Omnane vart støypt av Bærums bruk og Mustad på Gjøvik. Det finst enno fleire Søyneomnar i Vang.
Kjeldeskrift
Tidsskrift Valdres historielag 1934: Ola Strond. Av Olav Moe og Knut Hermundstad
Om Ola Knutsson Strand i Valdres bygdebok nr. 6