Operasjon Kitbag: Forskjell mellom sideversjoner

I 1941 begynte britiske militære å interessere seg for Norskekysten og tysk aktivitet der. I britiske militære stabar var minst to åtak mot tyske posisjonar og sivile mål her i Sogn og Fjordane under planlegging. Det eine er velkjent: raidet mot Måløy som vart gjennomført 3. juledag 1941 under kodenamnet ''[[Operasjon Archery|Operation Archery]]''. Det andre åtaket var ''Operation Kitbag'' som i utgangspunktet skulle rettast mot både Florø og Svelgen.{{thumb|Operasjon Kitbag 1.jpg|Klipp frå planane for ein operasjon mot Svelgen. Påteikninga i raudt kan vel vere det momentet som fekk planleggarane til legge vekk Svelgen-delen av Operasjon Kitbag.}} Målet med desse aksjonane var å påføre okkupantane størst mogeleg skade: setje militære einingar ut av spel, senke skip og øydelegge tyskkontrollerte landinstallasjonar og sivile produksjonsmiddel. I [[Svelgen]] skulle t.d. soldatar frå 6th Commando sprenge jernverket, for britane meinte at råjernet frå Svelgen var viktig for den tyske krigsindustrien. I tillegg var det planen å blåse det lokale kraftverket og røyrgatene i lufta for slik å øydelegge energiproduksjonen på staden. Aksjonen mot Svelgen vart likevel lagd vekk. I løpet av planlegginga kom det tydelege motførestellingar på bordet. Desse peikte på at eit åtak mot kraftverket ville påføre det norske sivilsamfunnet langt større ulemper enn dei tyske okkupantane. Det var også uvisst kor viktig råjernet frå Svelgen var for tysk krigsindustri. Resultatet vart i alle fall at åtaket på Svelgen forsvann frå den vidare planlegginga.

Operasjonen vart no avgrensa til Florø. Her rekna britane mellom anna med å finne oppankra konvoiar i området [[Botnaneset]]. Slike var typiske mål for åtak mot Norskekysten. Å komme seg overraskande inn til Florø, og å ha relevant og solid informasjon om byen og dei tyske posisjonane var heilt avgjerande for å nå målet med eit slikt åtak. Men å ta høgde for alt som kan skje under ein komplisert militæroperasjon i uver midt på svarte natta høgste vinter står neppe fullt og heilt i menneskeleg makt.[[Fil:Attack.jpg|Hovudmål for åtaket i Florø skulle vere kjøle- og eller fryseanlegg, Shell sine oljetankar og hermetikkindustri. |thumb]]