Rosslandsguden: Forskjell mellom sideversjoner

'''Rosslandsguden''' er eit steinhovud frå garden [[Rossland]] i [[Sokndal]]. Det vert vanlegvis datert til eldre jernalder, helst [[folkevandringstid]]. Det var sersjant Lars Rossland som fann det 61 cm høge hovudet av lokal labradoritt i ei ur i første halvdel av 1700-talet. Seinare stod figuren i tunet på garden. Ifølgje tradisjonen tok mennene av seg hatten når dei passerte steinhovudet. Men ikkje alle hadde like stor vørnad for Rosslandsguden. Skadane på nasa skal koma av steinkasting. Figuren vart i 1910 seld til [[Dalane Folkemuseum]].  

Garden Rossland og området kring utmerker seg med mange spennande fornminne. Her finst mellom anna ei rekkje gravhaugar, øydegarden Hustupto, [[skålgroper]], [[bautasteinar]] og [[fallossteinar]]. Ein reist stein ved Kyrkjevegen med skålgrop i toppen har form som ein kuttekledd skapning, og blir kalla ''Gygro''. På Haugen er ein svær stein kalla ''Skammelen'' lagt oppå to andre steinar. Skammelen er flat på oppsida, slik at ein her kan ha hatt ulike ting ståande. Dette er blitt tolka som eit alter og mogeleg førhistorisk kultplass eller [[horg]]. Det er interessant å merkja seg at Rosslandsguden vart funnen i ei ur under Haugen. Opphavleg har steinfiguren truleg stått på Haugen. I same ura låg også eit steintrau, som kan ha vore eit blotkar. Det er ut frå dette rimeleg at Haugen var ein stad der folk på Rossland og kanskje også nabogardar utøvde ein form for fruktbarheitskult. I nærleiken av Rossland førekjem svært mange stadnamn samansette med [[Frøy]]. Kanskje er det denne guden som er blitt dyrka på Haugen?