Styrvol
Ein styrvol eller styrevol er ei stong som er indirekte kopla til roret gjennom ei stong som går tvers gjennom øverenden av roret og som blir bruka til å styre båten med. Ein styrer mot styrbord eller babord ved å dra styrvolen att og fram etter kjølen, i motsetning til rorpinnar, der ein vrid dei på tvers av båten. Styrvolar er tradisjonelle på vestlandsbåtar og nordvestlandsbåtar. Åfjordsbåtar og nordlandsbåtar har oftast rorpinn i staden.
