Sunnmøringen (avis)

Avisa Sunnmøringen er lokalavis for Stranda kommune på Sunnmøre. Avisa har nettadresse www.sunnmoringen.no og papirversjonen kjem ut to dagar i veka, onsdag og laurdag. Frå 1. august 2011 har Elin Sofie Lorvik vore redaktør og dagleg leiar. Avisa dekkjer bygdelaga Stranda, Hellesylt/Sunnylven, Liabygda og Geiranger. Sunnmøringen er en del av mediekonsernet Polaris Media.

Første utgåva av avisa kom ut i 26 mai 1946 med Erling Vassbotn som initiativtakar, utgjevar og redaktør. Erling Vassbotn hadde starta opp Stranda Prenteverk i 1939. I 1983 blei Sunnmørsposten hovudaksjonær. Bladet Sunnylvingen gjekk inn i Sunnmøringen i 1987, og avisa hadde i ein periode avdelingskontor på Hellesylt. Avisa sin undertittel har variert, "Bladet for fjordbygdene" i 1960-åra, "Bladet for Stranda og fjordbygdene" i 1970-åra.

Redaktørar for Sunnmørigen var først Erling Vassbotn og seinare sonen Vermund Vassbotn. I ein kortare periode var Gerhard Kjølås redaktør. Jon Fivelstad blei redaktør i 1988, deretter Helge Søvik (i 15 år), så Herborg Bergaplass frå hausten 2008. Elin Sofie Lorvik er noverande redaktør.

Bygdebladet Sunnmøringen har i alle år vore eit viktig supplement til regions- og riksavisene. Avisa har gitt plass til stoff som ikkje har dekkja av andre, og gitt ei lokal vinkling på riksstoff, til dømes når større lokale industriverksemder har vore truga av nedlegging eller flytting. Dette var tydeleg under den såkalla "Pizzakrigen" i 1988 då Stabburet hadde planar om å flytte 125 arbeidsplassar bort frå bygda. Avisa har på denne måten vore ein viktig bidragsytar til å gi strandarane samkjensle og identitet til bygda. Samstundes har Sunnmøringen vore eit talerøyr for kritikk, og særleg redaktør Vermund Vassbotn utvikla ein satirisk penn med brodd under signaturen ".v" uttalt "liten v". Forholdet mellom kommuneleiinga i Stranda og Sunnmøringen var Bergaplass sin redaktørperiode dels prega av kraftig ordbruk, t.d. med gjensidige påstandar om løgn.

Sidan Stranda kommune består av fire geografisk spreidde bygdelag og kommunesenteret Stranda på 1900-talet var prega av industrivekst og sterk innflytting, har avisa Sunnmøringen vore ein av dei viktigaste og mest samlande kulturinstitusjonen i bygda i etterkrigstida.

Kjelder

• Asbjørn Gjerde, Stranda Industri og samfunn, Ålesund 1990
• «Her er den nye redaktøren» fra Sunnmøringen, 05.05 2011
• «Sluttar som redaktør» fra Sunnmøringen, 02.02 2011
• -Sve lyver fra NRK Møre og Romsdal, 23.10.2008

Ekstern lenke

• [1]