Trollholene: Forskjell mellom sideversjoner

Då Ivar Mortenson Egnund var prest i Fyresdal tok ein til med sumarmesser i '''Trollholene''' ved Lomkilen i Kilegrend.

I Kilegrend var det ikkje kyrkje eller forsamlingshus før [[Kilegrend bedehus|Kilegrend bedehus]] vart bygd i 1917. Stemne og møte måtte haldast ute. Presten var ut til Kilegrend ein gong årleg for å halde sumarmesse. Oppe i ei fjellside ved garden Lomkilen er det fleire store hóler som er kalla Trollholene. Korleis dei er blitt til veit ein ikkje men dei må vere ein gong frå istida. Den eine lagar eit slag amfi og der er sers god akustikk.

Ivar Julius Mortensson Egnund (1857-) var sokneprest i Fyresdal  1910 – 1913. Han var ein person med radikale meiningar og var ein god ven av Arne Garborg. I hans tid tok ein til med sumarmesse i Trollholene, den fyrste meiner ein at var i 1911.  Olav S. Nylid har teke eit bilete av denne fyrste messa, presten har der «preikestolen» i bakre kant pynta med lauv.

I seinare tid er det laga til ein talarstol ved opninga til hola slik at presten ser mot kyrkjelyden. Det er laga til ein god sti opp til hola med solid rekkverk slik at tilkomsten er grei. Etter messa er det oftast kyrkjekaffi i tunet på garden Lomkilen. Dit vart den [[Kilegrend skule|fyrste skulebygningen]] i Kilegrend  flytta då den gjekk ut av bruk. Ein periode var det inga messe i Trollholene, men i seinare tid er tradisjonen teke opp att og sundag 19. juni 2011 vart det markera at det er  100 år sidan den fyrste messa.

* Veum, Lars.  ''Kilegrend. Grenda i sør'' Kilegrend Grendelag 2011.