Veum (Fyresdal): Forskjell mellom sideversjoner

Då ferdavegen i dalbotn vart teke i bruk kom det ein gradvis tiltakande busetnad på Øyane som vart eit sentrum i soknet. Den siste kyrkja oppe på Veum var blitt dårleg og var for lita etter at soknet [[Heggland valfartkyrkje (Fyresdal)|Heggland]] var blitt dela mellom hovudsoknet [[Moland kyrkje (Fyresdal)|Moland]] og annekset Veum. Den var og dårleg vedlikehalde og det vart, ikkje utan motstand, vedteke å bygge [[Veum kyrkje (Fyresdal)|ny kyrkje]] her nede på «Øiansletten». Her vart tidleg fast skulestad i [[Veum kyrkjestove|kyrkjestoga]] og så vart det bygd [[Veum skule|skule]] med lærarbustad. Bedehuset Elim kom på plass, likedan ungdomshus. Her vart [[Veum Handelslag|forbruksforening]] med eige bakeri og privat butikk like ved. Det vart skipa eit [[Veum Smørlag|smørlag]] som hadde eige meieri, og her budde ulike handverkerar  Likedan vart her ein telefonsentral og sjølvsagt posthus. I det heile ein levande tettstad med særs mange funksjonar som var viktige for alle dei som budde der og i tilstøytande dalføre. Etter kvar gjekk så utviklinga frå denne staden, som for så mange liknande, og i 2019 er det av tidlegare aktivitet bare kyrkja att.