Ingeborg Strømme

Ingeborg Strømme (fødd 28. april 1886, død i august 1955) var utdanna lærar ved Volda lærarskule i 1909. Ho var fødd på Møkster i Austevoll kommune, og var dotter til lærar, klokkar og ordførar Ole Strømme (1856-1940) og Martha Eliasdotter Møgster (1857-1938).

Frå 1910 til 1917 arbeidde ho i Ørskog kommune på Sunnmøre, og frå 1917 til 1942 på Selbjørn og Lunnøy skular i Austevoll.

Ordninga var slik at ho arbeidde to veker ved Selbjørn skule og to veker ved Lønnøy-skulen. Ho hadde eigen bustad på Selbjørn-skulen, men budde i eit privathus på Lunnøy. Rommet ho budde i der, fekk namnet Lærarinneværelset, og heiter det same i 2023. I dette huset vaks det opp ni ungar, og ho hadde alle på skulen. Så lenge søskena levde, snakka dei ofte om den grundige opplæringa dei fekk hos Ingeborg Strømme.

I dødslistene er ho oppført som Ingeborg Strømme Horgen, og dødsdatoen manglar.

Kjelder og litteratur

• Espeland, Arne: Norske skolefolk, Dreyer, 1934 hos Nasjonalbiblioteket.
• Historisk befolkningsregister.
• Tufteland, Johan (red.): Møkster sokn. Gard og ætt I. Austevoll 1978. 722 s. Digital versjon på Nettbiblioteket.

Denne siden er en spire. Du kan hjelpe den til å vokse seg stor og sterk! Denne sida er ei spire. Du kan hjelpe henne til å vekse seg stor og sterk!