Vis kilden til Brannen i Tveitsund i 1922

<onlyinclude>{{thumb|Brannen i Tveitsund i 1922 (3).jpg|Etter brannen i 1922.|Ukjent fotograf/[[Nissedal historielag]]}}
Den store '''[[Brannen i Tveitsund i 1922|brannen i Tveitsund i Nissedal]]''' starta i [[Paulsen's hotel]] den 6. mars 1922. Brannen spreidde seg fort til dei kringliggande trebygningane. I alt brann åtte bygningar ned til grunnen. Blant desse var det tre hotell og tre forretningar. 
 </onlyinclude> 

==Brannforløpet==
Omkring klokka 04.30 den 6. mars byrja det å brenne på eit kontor i fyrste etasje i Paulsen's hotel i [[Nissedal kommune|Nissedal]]. Bebuarane kom seg raskt ut frå hotellet, men brannen spreidde seg raskt til andre bygningar - fyrst til "enkefru Fosli" sin eigendom, og deretter vidare på husrekka. Kring klokka 07.00 stod åtte bygningar i brann.<ref>Åsen, 2000, s. 327. </ref> Med stort og smått brann 14-16 bygningar ned, og åtte av desse var våningshus eller forretningsbygg. 

I bygningane som blei råka av brannen låg også telefonsentralen, noko som gjorde kommunikasjonen med andre bygder vanskeleg. ''[[Agderposten]]'' kunne melde at det blei sendt melding frå telefonsentralen til kringliggjande gardsbruk like før brannen greip tak i bygningen der sentralen låg. Slik kom det mange folk til brannstaden, men slokningutstyret var dårleg og vinden var sterk. Hjelpa var til lita nytte for bygningane som stod i flammer, men ein fekk avgrensa skadeomfanget til dei andre bygningane.</onlyinclude><ref>Åsen, 2000, s. 328. </ref>

[[Agdesidens Bank]]s filial og [[Treungen Sparebank]] hadde lokalar i dei brennande bygningane. Ein klara å redde ut arkiva til desse. Frikyrkja og posthuset var sterkt truga av brannen, men blei redda etter iherdig arbeid.<ref>Åsen, 2000, s. 327. </ref> 

Kvelden 7. mars brann det framleis i ruinane. Dei som var huslause fekk losjere hjå naboar. Det blei også tatt i mot folk på [[Tveitsund hotel|Tveitsund Turisthotel]]. Skadene var anslått til mellom 200.000 og 300.000 kr.<ref>Åsen, 2000, 327. </ref>

<onlyinclude>Det var ingen personar som blei skadde eller mista livet i brannen. [[Håvard Tveit]] (fødd 1912) var ein av dei som opplevde brannen, og fortalte at brannen markerte eit nytt tidsskifte; "Tveitsund ''før'' og ''etter'' brannen".</onlyinclude><ref>Fortalt av Håvard Tveit i Åsen, 2000, s. 329. </ref>

==Bygningar som gjekk med i brannen==
*[[Paulsens hotell]].
*[[Tveits hotell]] / [[Maline Tveit]] si forretning. 
*[[Klevstul's Hotel]]. 
*[[Tveitsunds landhandleri]].
*[[Taraldsens bakeri]]. 
*[[Foslibygningen]], enkefru Fosli sin bustad. 
*[[Astri Aarhus]] sitt hus. 
*[[Såmund Lavrantsen]] sitt hus. 

==Bilete frå brannen==
<gallery>
Brannen i 1922, Aftenposten 1922.03.06.jpg|Artikkel i [[Aftenposten]] 6. mars 1922. {{byline|[[Nasjonalbiblioteket]]}}
Brannen i Tveitsund i 1922 (2).jpg|Etter brannen i 1922. {{byline|Ukjent fotograf / [[Nissedal historielag]]}}
Brannen i Tveitsund i 1922..jpg|Etter brannen i 1922. {{byline|Ukjent fotograf / [[Nissedal historielag]]}}
</gallery>
==Referansar==
<references/>

==Kjelder==
*''[[Aftenposten]]'', 6. mars 1922.
*''[[Tiden]]'', 8. mars 1922.
*Åsen, Kjell, ''Nissedal bygdesoge: Kultursoga: 1900-1999'', Nissedal, 2000. 

[[Kategori:Branner]]
[[Kategori:Treungen]]
[[Kategori:Nissedal kommune]]
[[Kategori:1922]]
{{F1}}
{{nn}}