Vis kilden til Det Norske Samlaget

'''[[Det Norske Samlaget]]''' vart skipa i 1868 i [[Oslo|Christiania]] for å gje ut bøker på [[nynorsk|landsmål]]. Første formann og ein av skiparane var [[Hagbard Emanuel Berner (1839–1920)|Hagbard Emanuel Berner]]. [[Ivar Aasen]] sat ei tid i redaksjonen, som i dei første tiåra vart kalla domsnemnda.

Dei første åra baserte dei seg på medlemmar i eit «samlag» som fekk bøkene, som ein slags bokklubb. I 1881 fekk dei det første statstilskotet til sine bokprosjekt. Sidan 1894 har Samlaget gjeve ut ''[[Syn og Segn]]'' som medlemsblad og etter kvart som eit viktig allmennkulturelt tidsskrift. Dei har hatt ein stor produksjon av både fag- og skjønnlitterære bøker. Først i 1950 fekk forlaget sin første fast tilsette, [[Bjarte Birkeland]]. Drifta vart modernisert av forlagssjef [[Johs. A. Aanderaa]] frå 1958. Han bygde mellom anna opp ei skulebokavdeling. 

I 1977/1978 vart forlaget organisert som ein stiftelse som driv foretaket, og eit litteraturselskap som er ein politisk aktør på målfeltet. Samlaget tok i 1985 over [[Noregs Boklag]]. I mars 2012 vart ein del, Samlaget Utdanning, det vil seie skulebokavdelinga som vart oppretta av Aanderaa, solgt til [[Vigmostad & Bjørke]] i [[Bergen]]. 

Saman med [[Det Norske Teatret]] og [[Noregs Mållag]] deler Samlaget kvart år ut [[Nynorsk litteraturpris]]. Sidan 1924 har Samlaget òg delt ut [[Melsomprisen]].

[[Edmund Austigard]] har vore direktør i Samlaget sidan 2011. Forlaget held til i [[Mariboes gate (Oslo)|Mariboes gate]] 13 i Oslo.

==Litteratur==

* [https://www.allkunne.no/framside/tema-nynorsk/institusjonar-organisasjonar-med-meir/det-norske-samlaget/29/856/ Det Norske Samlaget] på Allkunne.
* [https://snl.no/Det_Norske_Samlaget Det Norske Samlaget] i ''Store norske leksikon''.
* {{WP-lenke|Det Norske Samlaget|nn}}.

{{DEFAULTSORT:Samlaget, Det Norske}}

[[Kategori:Forlag]]
[[Kategori:Nynorsk]]
[[Kategori:Oslo kommune]]
[[Kategori:Etableringer i 1868]]
{{nn}}