Vis kilden til Herdleværet

<onlyinclude>{{Thumb|2007-befaring-perler-i-nordsjøløypa 020.jpg|Herdlevær mot nordvest. {{byline|Vigleik Mathisen}}}}
'''[[Herdleværet]]''' er ei øy og bygd i [[Øygarden kommune]] i [[Hordaland]]. Bygda ligg ut mot havet, men ein skjerm av øyar og holmar verner mot storhavet, og Herdleværet er ei god hamn. Namnet kjem frå garden [[Herdlevær (Øygarden gnr. 46)|Herdlevær]], gnr. 46. 

Øya har ei lang busettingshistorie, noko ei grønnsteinsøks frå steinalderen vitner om. Frå historisk tid finnes det fleire skriftfestingar av øya. I soga om [[Egil Skallagrimsson]], er Herdlevær staden Egil tek landkjenning og nyttar som base for ferda  over fjorden til [[Askøy kommune|Askøy]]. I soga om [[Håkon IV Håkonsson|Håkon Håkonsson]], får vi vite at sommaren [[1263]] låg [[leidang]]sflåten ved øya før den stemna på krigstokt vestover mot Skottland. I same soga kjem det og fram at ferder vestover mot Orknøyane tok utgangspunkt i Herdleværet. Øya låg med andre ord sentralt til for ferder mot Island, Vesterhavsøyane og Dei britiske øyane.</onlyinclude>

Herdleværet er omtala i jordeboka til [[Munkeliv kloster]] i [[Bergen]] i [[1480]]. I [[1519]] var det eit hushald som betalte skatt. I [[1647]] var det auka til tre. I [[folketeljinga i 1910]] hadde øya 112 registrerte innbyggjarar. Både den sentrale plasseringa ved ei viktig skipslei, dei i kystsamanheng gode tilhøva for jordbruk, og eit svært godt laksefiske har gjort sitt til at Herdleværet til alle tider har vore ein attraktiv stad å bu.