Vis kilden til Lars Eriksen Lunnøy

<onlyinclude>{{thumb|Lundoy.png|Øya Lunnøy (utheva) i Austevoll.}}
'''[[Lars Eriksen Lunnøy]]''' (fødd 1584, død i 1669) gjenrydda øya [[Lunnøy]] i [[Austevoll]], og busette seg der omkring 1630. I tillegg til jordbruket bygde han opp eit sjøbruk. Lars Eriksen var gift med Christi Gundersdotter, og dei hadde seks barn, tre søner og tre døtre. Sonen Niels (1629-1708) overtok garden og sjøbruket i 1669. </onlyinclude>

Gardsbruket på øya låg øyde fordi menneska døydde ut under [[Svartedauden]] i 1349-1350 og i epidemiane som følgde i hundreåret etter. Difor er Lars Eriksen oppført i kjeldene som øydegardsmann som gjenrydda bruket på den 0,6 kvadratkilometer store øya.

Det nasjonale [[Titus Bülches manntall 1663-1666|manntalet 1663-1666]] viser at det budde fire vaksne menn på Lunnøy, og dei hadde til saman fem søner som var i 20-åra. Dette fortel at Lars skaffa seg arbeidskraft til jordryddinga og til oppbygginga og drifta av sjøbruket. Kvinnene vart ikkje talde her i landet før i folketeljinga i 1769, men dei hadde hovudansvaret for hus- og fjøsarbeidet, for mindre barn, sjuke i alle aldrar, dei tok del i utearbeidet i onnene, laga klede til familien m.m. Til saman budde det truleg omkring 20 menneske på øya på dette tidspunktet.