Vis kilden til Liagrende

'''[[Liagrende]]''' er ei grend lengst nord i [[Sør-Aurdal kommune]] og sør i [[Nord-Aurdal kommune]], i lia vest av [[Begna]]. Grenda har namn etter gardane [[Søre Lie (Sør-Aurdal)|Søre Lie]] og [[Nørdre Lie (Nord-Aurdal)|Nørdre Lie]], som ligg på kvar si side av kommunegrensa. Frå både gardane har det vorte skilt ut fleire bruk. [[Liaelve (Aurdal)|Liaelve]] renn mellom dei to Liegardane. 

Grenda sokna tidlegare til [[Reinli kyrkje]], men kyrkjebøkene fortel at mange reiste til [[Aurdal kyrkje]] i staden, då det er seks-sju kilometer for den nordlege delen av Liagrende til Reinli. 

Det gjekk ferje over Begna ved [[Svarthølen (Begna)|Svarthølen]], over til [[Landmark (Sør-Aurdal)|Landmark]] på austsida. Ved sundstaden gjekk ein gammal ride- og gangveg, som i dag kan finnast att som snarveg frå [[Rustøe]] til [[Rusehøgde]]. Bilvegen frå [[Høve (Sør-Aurdal)|Høve]] til kommunegrensa vart anlagt kring 1900, og ført vidare til [[Sundvøll (Nord-Aurdal)|Sundvøll]] i 1949.

Den første telefonlinja i grenda kom i 1913, då Syver Kvaal fekk telefon på [[Tølleivshaugen]]. Andre i bygda fekk ringe derifrå. I 1943 vart det strekt fleire liner, så óg andre kunne få telefon.