Vis kilden til Nordheim (Bykle gnr 3/19)

{{Infoboks gard
| målform       = nn
| bgfarge       = 
| navn          = Nordheim
| bilde         = Berdalen 45.jpg
| bildetekst    = Nordheim 1965. {{byline|Fjellanger-Widerøe}}
| altnavn       = 
| førstnevnt    = 
| ryddet        = 1945
| utskilt       = 1954
| sted          = [[Berdalen (bygd)|Berdalen]]
| sokn          = [[Bykle sokn|Bykle]]
| kommune       = [[Bykle kommune|Bykle]]
| fylke         = [[Agder fylke|Agder]]
| gnr           = 3
| bnr           = 19
| areal         = 
| bruk          = 
| type          = Småbruk
| gateadr       = 
| postnr        = 
}}
<onlyinclude><includeonly>{{thumb|Berdalen 45.jpg|Nordheim 1965.|Fjellanger-Widerøe}}</includeonly>
'''[[Nordheim (Bykle gnr 3/19)|Nordheim]]''' ligg på austsida av [[Riksveg 9|riksvegen]] ved [[Berdalsbru]] i [[Bykle kommune]], på venstresida av vegen opp mot [[Berdalen (bygd)|Berdalen]]. Bruket vart utskilt frå [[Hagen (Bykle gnr 3/5)|Hagen]] med eit areal på 5 mål og ei landskyld på 1 øre i 1953, men då hadde Bjørgulv Ørnefjødd og kona hans, som bygde og budde på denne staden, alt vore her i fleire år. 

Bjørgulv var son åt Tone Bjørgulvsdotter Ørnefjødd. Faren var enkemannen Andreas Eliassen. Denne Andreas var ein av samane som var innom i Bykle ei stund på 1890-talet. Då Bjørgulv vart fødd, vart Andreas notert med adresse [[Jeiskeli (Bykle gnr 3/7)|Jeiskeli]], så me reknar med at han har vore reingjetar for Anders Renander, som hadde det bruket på den tid. I ''Bykle kultursoge'' (1993, 50-51), er det fortalt ikkje så lite om slekta åt Andreas. 
</onlyinclude>

Men så var det altså sonen: 

{{thumb|Berdalen 46.jpg|Bjørgulv Ørnefjødd sit til høgre på dette biletet. Mannen til venstre er det meir uvisse om, men Håkon Breive meiner det er Olav Sigbjørnsson Hoslemo i Myri, Berdalen. Utsnitt av gruppebilete i samlinga til Ingebjørg Vegestog.}}
* '''Bjørgulv Andreasson Ørnefjødd''', f 1897, d 1986 
: g 1943 m Asgjerd Skaret, f 1895, d 1980, ikkje born.
 
Asgjerd Skaret var dotter åt Halvor Nilsson og kona, Margit Tovsdotter. Desse var opphavleg [[Lårdal|lårdølar]], men i 1900 budde dei på plassen [[Øvre Lio under Håtveit]] i [[Mo kommune (Telemark)|Mo]]. Dei rudde seg sidan ein plass som heiter [[Skaret atti skogen]] under [[Nigard Hylland (Vinje)|Nigard Hylland]] i [[Ytre Vinje]], og nytta etter dette plassnamnet til etternamn. Asgjerd hadde ein son, Halvor, som var fødd i 1920. Faren heitte Olav Hermodsson Ranvik. Halvor Olavsson drukna i [[Bessevatn (Tokke)|Bessevatn]] på [[Byrteheia]] i 1935 (jfr. ''Mo bygdebok'' I, 283, 308). 

I yrkeslivet dreiv Bjørgulv som anleggs- og vegarbeidar. Han arbeidde til saman 21 år på damanlegga i Bykle, og sidan 14 år i vegvesenet. Han har fortalt om arbeidet i kanalen i [[Vatnedalsosen]], då dei som vassa i isvatnet hadde dobbel dagløn i høve til dei som fekk halde seg turre. «Stundom var det så djupt at vatnet gjekk under armen. Kledi klaka, og me stakk vottene nedi vatnet så dei vart mjuke att» (Skomedal: ''I Skiftende tider. Otteraaens Brugseierforening 1900-85'', 1985, 54). 

Han og Asgjerd budde i [[Ørnefjødd (Bykle gnr 6/5)|Ørnefjødd]] frå dei gifte seg, men etter krigen tykte ho det vart for tungvindt å halde til på den veglause garden vinterstid, og ynskte seg ein verestad med lettare tilgjenge. Dei fekk då kaupe Nordheim hjå Salmund Berdalen, og sette seg opp hus her. 
 
Bror åt Asgjerd, Tov Skaret frå Vinje, var hit og bygde for dei. Etter det me får opplyst tok dei den nye heimen i bruk kring 1950. Dei budde her om vintrane frametter, men sumarstid var dei mest i Ørnefjødd. Attåt stoga er her eit lite uthus med løe, stall og nokre sauestille, så dei har nok hatt hest og ei handfull sauer her.

Asgjerd døydde på [[Vinje bygdeheim]], men vart gravlagd i Bykle. Bjørgulv døydde på [[Bykle bygdeheim|bygdeheimen i Bykle]]. Då han var borte, synte det seg at han hadde testamentert buet sitt til [[Misjonssambandet]], [[Samemisjonen]] og [[Det Norske Misjonsselskap]]. 

Håkon O. Breive (sjå [[Skogheim (Bykle gnr 5/7)|Skogheim]], gnr 5 bnr 7), overtok Nordheim frå dei tre misjonsorganisasjonane i 1993, og har stelt opp bustadhuset her. Sidan har han overlate bruken av det til dottera, Torunn. Ho flutte hit frå Listog i 2003. 

* '''Torunn H. Breive''', f 1966, ug 

Torunn arbeider som hjelpepleiar på Bykle bygdeheim.