Vis kilden til Skogsøya (Øksnes)

{{Thumb|Skogsøya kart 1907.jpg|Skogsøya på et kart fra 1907}}{{Thumb|Skogsøya i Øksnes.png|Skogsøya lokalisert i Vesterålen}}

'''[[Skogsøya (Øksnes)|Skogsøya]]''' er ei øy i [[Øksnes kommune]] i [[Nordland]]. Ho ligg vest og nord for [[Langøya (Vesterålen)|Langøya]]. Skogsøya er den største av øyane vest i kommunen, med eit areal på 32,5&nbsp;[[km²]]. Det høgaste punktet på øya er Stigkollen på 707 [[moh]]. Øya hadde 26 innbyggjarar i [[2017]].

Det er ti [[Matrikkelgård|matrikkelgardar]] på øya, mellom dei [[Øksnes prestegård (Øksnes gnr. 49)|Øksnes prestegard]] og [[Breistrand (Øksnes gnr. 40)|Breistrand]].

Skogsøya var tidlegare sentrum i Øksnes kommune. Staden Øksnes ligg på Skogsøya, og øya hadde på [[1930-årene|1930-talet]] mellom 400 og 700 fastbuande. Då meir og meir kommunikasjon byrja å gå på landevegen framfor med båt, flytta administrasjonen over til [[Myre (Øksnes)|Myre]]. Da kommunane Øksnes og [[Langenes kommune|Langenes]] vart slått saman igjen i [[1964]], heldt storkommunen namnet Øksnes etter kyrkjestaden på Skogsøya.

Sør på Skogsøya går det om lag 6 km kommunal veg mellom [[Hjellsand (Øksnes gnr. 42)|Hjellsand]] og Øksnes. Vegen vart opphaveleg bygga etter ein organisert aksjon frå kvinnene på øya.<ref>[https://www.kvinnehistorie.no/artikkel/t-6565/veien-paa-skogsoeya-et-kvinnenettverk-i-aksjon Veien på Skogsøya – et kvinnenettverk i aksjon] www.kvinnehistorie.no</ref>Frå Øksnes er det hurtigbåtsamband til Myre, Smines og Skjellfjord på Langøya.

12. november 1988 stranda den utrangerte [[Sovjetunionen|russiske]] jagaren «Boiky» på grunt vatn utanfor Hjellsand på Skogsøya medan det var under slep frå [[Murmansk]] til [[Spania]] for opphogging. Vraket låg lenge delvis synleg utanfor øya, og vart ein lokal turistattraksjon. Men vraket vart endeleg hogt opp og fjerna i [[2001]].

Forfattaren [[Herbjørg Wassmo]] vart fødd og voks opp på Skogsøya. Salmediktar [[Magnus Brostrup Landstad]] har òg budd på øya.

25. januar 1893 omkom 26 fiskarar frå Skogsøya i ein storm. Over 100 andre fiskarar omkom i uvêret elles i [[Vesterålen]] og [[Lofoten]] same dag.