Vis kilden til Gamasfit (veg i Tokke)

{{thumb|Tokke, Gamasfit-1.jpg|Vegen Gamasfit sett sørvestover.|Roy Olsen|2025}}

'''[[Gamasfit (veg i Tokke)|Gamasfit]]''' er ein veg på Skafsåheia i [[Tokke kommune]] som går sørover frå [[Borsævegen]]. Han deler seg i fleire greiner i eit hyttefelt der kring 20 av hyttene har adresse til vegen. Gjennom feltet er hovudtraseen på 780 meter kommunal. Deretter blir vegen privat, dreier i austleg retning og endar ved støylen Åsbjørnsroi på sørsida av Førsvatn. Den totale lengda på vegen er 2,7 kilometer. Utbygginga av hyttefeltet starta i første halvdel av 2000-talet.

Vegen blei namnsett i 2021 og har fått namn etter støylen Gamasfit som låg her. Namnet Gamasfit tyder på at det har vore ein plass for leik og moro her i gammal tid. Namnet er sett saman av orda ''gamas-'' og ''-fit''. Det [[norrønt|norrøne]] ''gaman'' tyder moro, skjemt (som i uttrykket ''fryd og gaman''), og ''fit'' på norrønt tyder frodig grasslette, særleg ved vatn.

I ei kunngjering frå Skafså Ungdomslag i [[Telemark Arbeiderblad]] 23. juni 1965 står m.a.:

:''Frå eldgamle tider finn ein merke og navn inne i desse heidstroka som tyder på samkomer av folk frå [[Skafså]] og [[Setesdalen]], soleis hev truleg navnet «Gamasfit», oppstade. Det er ei fin slette i nordre enden av Forsvaten, ca. 5 km aust for Kjønnesviki.

:Det er vel då truleg at mange var fastbuande i desse områda og mange var nok ogso faste stølsfolk, so dermed var ikkje vegen til samkomeplassane so lang frå nokon kant, når dei i ljose sommarkveldar samlast til stevjing og dans og gama, som det heiter på Setesdalsmålet.''

Frå ein artikkel av T. Bilstad i [[Aftenposten]] 10. mai 1941:

:''Ungdommen møttes hver sommer til lek på en seter som ligger midtveis'' [mellom Skafså og Valle].'' Seteren heter Gamasfit den dag idag, og navnet tyder på at det har været leikvoll (Gama-moro). Forholdet mellem setesdølene og folk i Skafså hadde efter hvert utviklet sig til det aller beste.''

==Sjå også==
*[[Vegar i Tokke kommune]]

==Kjelder==
*Kommunekart: [https://www.kommunekart.com/?urlid=14f37c9a-57da-43da-af2b-89a0f777b693 Gamasfit]
*''Telemark Arbeiderblad (Skien) 1965.06.23''. {{nb.no|NBN:no-nb_digavis_telemarkarbeiderblad_null_null_19650623_44_140_1|side=1}} Jonsokstevne i Kjønnesviki
*''Aftenposten 1941.05.10''. {{nb.no|NBN:no-nb_digavis_aftenposten_null_null_19410510_82_214_1}} Grenseopgjøret mellem Skafså og Valle og Bykle i Setesdalen (Et sagn fra middelalderen)
*Nynorskordboka: [https://ordbokene.no/nno/nn/gaman Gaman]

{{artikkelkoord|59.35351|N|7.74782|Ø}}

[[Kategori:Veger]]
[[Kategori:Tokke kommune]]
{{nn}}