Trondheim Frikyrkje

Trondheim Frikyrkje er lokalisert på Moholt i Trondheim, og høyrer inn under kyrkjesamfunnet Den Evanglisk Lutherske Frikyrkja. Kyrkjelyden vart konstituert 12. desember 1973, men har røter attende til Levanger og Ytterøy i 1960-åra.

Kort historikk

På 1960-talet hadde kyrkjelyden samlingar i Blåkorssalen i Kjøpmannsgt. 42. Innviingsfest vart halde 7. januar 1974, og forsamlinga reknar dette som sin oppstartsdato. Då var det 30 medlemmer i forsamlinga.

I 1975 vart Arnfinn Løyning første forstandar (pastor) for kyrkjelyden, ei stilling han hadde fram til 1982. Då tok Thomas Bjerkholt over.

I 1988 vart gudstenestene i forsamlinga flytta til KVT på Tiller. Lokalet i Brøsetvegen på Moholt vart teke i bruk 2002.

I 2014 vart Bjørn Jellestad forstandar, etter å ha vore 2. pastor sidan 1993.

Teologisk profil

Trondheim Frikyrkje var lenge rekna som ein av dei meir teologisk konservative kyrkjelydane innan Den Evanglisk Lutherske Frikyrkja. I 2006 karakteriserte Thomas Bjerkholt kyrkjelyden som "klassisk-ortodoks". Han framheva at det var plass til både karismatikk og liturgi i kyrkjelyden.

Bjerkholt var ein av dei som var motstandar til at kvinner skulle ordinerast til pastorar og eldste i Den Evanglisk Lutherske Frikyrkja, dette vart det opna opp for ved kyrkjesamfunnet sitt synodemøte i 2005.

Kjelder

• Info på nettsidene til kyrkjelyden
• Helge J. Stautland: Vokser på tydelig lederskap
• Bjørn Hjelland: Trondheim Frikirke 40 år
• "Spørsmål og svar" på frikirken.no